Kanada rəsmisi WUF13-də yerli xalqların mənzil problemlərindən danışıb 

Kanadada mövcud olan rifah və yüksək həyat standartlarına baxmayaraq hamı bundan eyni dərəcədə faydalanmır.

"Report" xəbər verir ki, bunu Kanada hökumətinin Hökumətlərarası və xarici tərəfdaşlıq şöbəsinin baş direktoru Çeri Reddin Bakıda keçirilən Ümumdünya Şəhərsalma Forumunun 13-cü sessiyası (WUF13) çərcivəsində təşkil edilmiş Yerli Xalqların Hüquqları üzrə Dəyirmi Masada çıxışı zamanı deyib.

O qeyd edib ki, yerli xalq demək olar, bütün sosial-iqtisadi göstəricilər üzrə əsas Kanada əhalisindən geri qalırlar:

"Onlar adekvat mənzil əldə etməkdə sistemli maneələrlə üzləşirlər. Yerli xalqların pis yaşayış şəraitində yaşamaq ehtimalı 50 % daha yüksəkdir və onlar yerli olmayan kanadalılarla müqayisədə altı dəfə daha çox evsizlik riski ilə qarşılaşırlar. Çox vaxt onlar həddindən artıq sıx məskunlaşma, təmir və yenilənməyə ehtiyacı olan evlər, yenilənməmiş su sistemləri, mənzil infrastrukturunda ciddi çatışmazlıqlarla üzləşirlər.

Bu problemlər Kanadada yaşayışın bahalaşması, sərt iqlim, iqlim dəyişikliyinin təsirləri, uyğun torpaq və infrastruktur çatışmazlığı, yüksək tikinti xərcləri, uzaq və təcrid olunmuş bölgələrdə yerləşmə səbəbindən işçi qüvvəsi və materiallara məhdud çıxış, həmçinin mənzil və maliyyə sahəsində maneələr yaratmış tarixi dövlət siyasətləri ilə əlaqədardır".

Çeri Reddin bildirib ki, Kanada kontekstində "yerli xalqlar" dedikdə üç fərqli yerli xalq nəzərdə tutulur:

"First Nations, Inuit və Métis xalqları. Bu xalqlar arasında, eləcə də Kanadanın müxtəlif bölgələrində onların öz daxilində böyük müxtəliflik mövcuddur. Onların fərqli mədəniyyətləri, ənənələri və qarşılaşdıqları fərqli çətinliklər var. Son 10 ildə hökumətimiz yerli xalqlarla münasibətləri prioritet hesab edir. Biz yerli xalqlarla millətdən-millətə münasibətlərin inkişafına üstünlük veririk və barışıq ruhunda irəliləməyə, müstəmləkəçilik siyasətləri nəticəsində yaranmış tarixi ədalətsizlikləri aradan qaldırmağa çalışırıq. Son onillik ərzində bir sıra dəyişikliklərin şahidi olmuşuq".

Həmçinin oxuyun

DTX tərəfindən saxlanılan sabiq icra başçısı barəsində YENİ QƏRAR

Bakı–Tbilisi–Bakı marşrutu üzrə bileti haradan almaq OLUR?

Vəzifəli şəxs vəfat etdi - Foto

Nazirlər Kabineti yeni qərar verib