Cristiano Ronaldo niyə hələ də anası ilə yaşayır? – Futbolçunun cavabı insanları duyğulandırdı  

Dünya futbolunun əfsanələrindən biri olan Cristiano Ronaldo təkcə uğurları ilə deyil, ailəsinə bağlılığı ilə də tez-tez gündəmə gəlir. Xüsusilə onun anası ilə münasibəti sosial şəbəkələrdə və mediada böyük maraq doğurur.

Oxu24.com xəbər verir  ki,müsahibələrin birində Ronaldoya maraqlı sual ünvanlanıb: “Niyə hələ də ananla birlikdə yaşayırsan? Niyə ona ayrıca ev alıb, özün ayrıca yaşamırsan?”

Futbolçunun bu suala verdiyi cavab isə bir çox insanı kövrəldib.

Ronaldo bildirib ki, anası onun uğurları üçün həyatını fəda edib:

“Anam məni böyütmək üçün öz həyatını qurban verdi. O, məni doyurmaq üçün özü ac yatırdı. Bizim heç pulumuz yox idi. Həftənin yeddi günü işləyirdi. Gecələr isə əlavə olaraq təmizlikçi kimi çalışırdı ki, mənə ilk butslarımı ala bilsin və futbol oynamağıma şərait yaratsın”.

Məşhur futbolçu vurğulayıb ki, qazandığı bütün uğurların arxasında anasının əziyyəti dayanır:

“Bu gün sahib olduğum hər şeyi ona borcluyam. Bütün uğurlarımı ona həsr etmişəm”.

Ronaldo qeyd edib ki, anası sağ olduğu müddətdə həmişə onun yanında olacaq:

“O, mənim sığınacağım, ən böyük dayağım və həyatımdakı ən böyük nemətdir”.

Dolores Aveiro uzun illərdir oğlunun həyatında xüsusi yer tutur. Futbolçu dəfələrlə açıqlamalarında bildirib ki, anası həm onun həyatında, həm də övladlarının böyüməsində mühüm rol oynayır.

Ronaldo əlavə edib ki, anası tez-tez onunla birlikdə yaşayır və nəvələrinin tərbiyəsində yaxından iştirak edir. Hətta futbolçu bu günə qədər hər oyundan əvvəl anasından dua və motivasiya dolu sözlər aldığını söyləyib.

Məşhur futbolçunun bu açıqlamaları sosial şəbəkələrdə geniş müzakirələrə səbəb olub. Bir çox istifadəçi Ronaldonun ailəsinə bağlılığını nümunə göstərərək, valideyn əməyinin heç vaxt unudulmamalı olduğunu qeyd edib.

Psixoloqlar isə bildirirlər ki, uğurlu insanların həyatında ailə dəstəyi çox mühüm rol oynayır. Xüsusilə uşaqlıq dövründə verilən sevgi, fədakarlıq və motivasiya insanın gələcək həyatına ciddi təsir göstərir.

Cristiano Ronaldo isə illər keçsə də, onu bu günə gətirən ən böyük gücün məhz anasının sevgisi və zəhməti olduğunu gizlətmir.

Nigar

Həmçinin oxuyun

Baş nazirdən TƏCİLİ iclas - Tapşırıqlar verildi

Prezidentdən yüksək vəzifələrə TƏYİNATLAR

Sürücülərə vacib xəbər: Bunu edənlər avtoxuliqan hesab olunacaq

ŞAD XƏBƏR! Yumurtaya görə pul veriləcək