Trampla Netanyahu arasındakı mübahisənin detalları üzə çıxdı - Mən olmasaydım, indi həbsdə idin..
11 Noyabr 2026, 23:09
Qaynar xətt:
(+99450) 247 90 86
SİYASƏT
586
08.05.2026, 12:22
Prezident İlham Əliyev Roma Papası XIV Leoya təbrik məktubu göndərib.
Oxu24.com xəbər verir ki, məktubda deyilir:
"Zati-müqəddəsləri,
Tacqoyma Gününüz münasibətilə Sizi və Sizin simanızda bütün həmməzhəblərinizi şəxsən öz adımdan və Azərbaycan xalqı adından ürəkdən təbrik edirəm.
Azərbaycan ilə Müqəddəs Taxt-Tac arasında qarşılıqlı hörmət və anlaşmaya əsaslanan əlaqələrin yüksələn xətt üzrə inkişaf etməsi və gündən-günə yeni məzmun qazanması məmnunluq doğurur. Bu əlaqələr dünyada dinlərarası harmoniya və mədəni müxtəlifliyin təşviqinə, sivilizasiyalar arasında qarşılıqlı etimad mühitinin yaradılması kimi xoşməramlı niyyətlərə xidmət edir.
Dünyada multikulturalizmin ünvanlarından biri kimi tanınan Azərbaycanda etnik və dini müxtəliflik milli sərvət kimi qorunur, bütün konfessiyalar üçün bərabər şərait yaradılır. Fəxr edirik ki, Azərbaycan müxtəlif din və etiqadlara mənsub insanların mehribanlıq və qarşılıqlı anlaşma şəraitində yaşadığı məkandır. Bakı şəhərində yeni katolik kilsəsinin təməlinin qoyulması ölkəmizdə dinlərarası harmoniyanın, multikulturalizm və tolerantlıq ənənələrinin növbəti əyani nümunəsidir.
Heydər Əliyev Fondu ilə Müqəddəs Taxt-Tac arasında illərdən bəri təşəkkül tapmış səmərəli əməkdaşlığı xüsusi qeyd etmək istərdim. Fondun dəstəyi ilə Vatikanda aparılan bərpa işləri mədəniyyətlərarası dialoqa, dini və mədəni irsin qorunub saxlanmasına töhfə verməklə yanaşı Azərbaycanın ümumbəşəri dəyərlərə sadiqliyinin göstəricisidir.
Zati-müqəddəsləri,
Azərbaycanla Müqəddəs Taxt-Tac arasında səmimi dialoqun və əməkdaşlığın inkişafına Sizin töhfənizi yüksək qiymətləndirirəm. Əminəm ki, ikitərəfli əlaqələrimiz ümumbəşəri dəyərlərin təbliği və sivilizasiyalararası anlaşmanın təşviqi naminə bundan sonra da möhkəmlənəcək və daha da dərinləşəcəkdir.
Belə bir əlamətdar gündə Sizə möhkəm cansağlığı, uzun ömür, ali və müqəddəs missiyanızda daim uğurlar diləyirəm".
23:52 / 11 Noyabr 2026
1
23:50 / 11 Noyabr 2026
80
23:45 / 11 Noyabr 2026
190
23:28 / 11 Noyabr 2026
56
23:24 / 11 Noyabr 2026
58
23:18 / 11 Noyabr 2026
79
23:09 / 11 Noyabr 2026
79
23:03 / 11 Noyabr 2026
64
23:01 / 11 Noyabr 2026
101
22:55 / 11 Noyabr 2026
80
22:38 / 11 Noyabr 2026
142
22:31 / 11 Noyabr 2026
96
22:26 / 11 Noyabr 2026
6040
22:22 / 11 Noyabr 2026
102
22:20 / 11 Noyabr 2026
98
22:15 / 11 Noyabr 2026
1136
22:11 / 11 Noyabr 2026
93
22:07 / 11 Noyabr 2026
109
22:06 / 11 Noyabr 2026
99
21:59 / 11 Noyabr 2026
145
21:45 / 11 Noyabr 2026
104
21:14 / 11 Noyabr 2026
970
21:08 / 11 Noyabr 2026
515
© 2026 Oxu24.com Müəllif hüquqları qorunur.