Hansı qidaları birlikdə yemək düzgün deyil? Açıqlama  

Son dövrlər sosial şəbəkələrdə “hansı qidaları birgə yemək olmaz” mövzusu geniş müzakirə olunur. Mütəxəssislərin sözlərinə görə, bəzi qida kombinasiyaları birbaşa zəhərli olmasa da, həzm sistemi üçün əlavə yük yarada və narahatlığa səbəb ola bilər.

Oxu24.com xəbər verir  ki,həkimlərin açıqlamasına görə, xüsusilə yağlı və ağır yeməklərin şirniyyatla birlikdə qəbul edilməsi mədədə həzm prosesini çətinləşdirə bilər.

Məsələn, kabab və digər ağır ət yeməklərindən sonra yüksək şəkərli desertlərin yeyilməsi orqanizmə eyni anda həm yağ, həm də şəkər yükü verir ki, bu da bəzi insanlarda köp, ağırlıq və həzm pozğunluğu ilə nəticələnə bilər.

Mütəxəssislər bildirirlər ki, fast food məhsulları ilə enerji içkilərinin birlikdə qəbulu da riskli kombinasiya sayılır. Dönər, burger və s. kimi yağlı qidalarla yüksək kofein və şəkər tərkibli içkilər həssas mədələrdə yanma, narahatlıq və ürəkdöyünmə hissi yarada bilər.

Digər bir nümunə olaraq lobya və ayran birlikdə qəbul edildikdə bəzi insanlarda qaz, köp və qarında səs-küyün artması müşahidə oluna bilər. Bu, xüsusilə laktoza həssaslığı olan şəxslərdə daha qabarıq şəkildə özünü göstərə bilər.

Mütəxəssislər qeyd edirlər ki, süd məhsulları ilə balığın birlikdə qəbulu zəhərlənmə yaratmır, lakin həssas mədəyə malik insanlarda diskomfort və həzm çətinliyi yarada bilər. Bu, daha çox fərdi dözümlülüklə bağlıdır.

Həkimlərin sözlərinə görə, qırmızı ət qəbulundan dərhal sonra çay içilməsi isə dəmirin orqanizmdə sorulmasını azalda bilər. Bu səbəbdən xüsusilə qan azlığı olan şəxslərə bu vərdişdən uzaq durmaq tövsiyə olunur.

Mütəxəssislər vurğulayırlar ki, ümumilikdə sağlam insanlarda bu qida kombinasiyaları ciddi təhlükə yaratmasa da, həzm sistemi həssas olan şəxslərdə şikayətləri artıra bilər.

Həkimlər əlavə edirlər ki, davamlı qarın ağrısı, köp, ürəkbulanma və həzm pozğunluğu hallarında özbaşına dərman qəbul etmək əvəzinə mütləq həkimə müraciət edilməlidir.

Nigar

Həmçinin oxuyun

Pensiyalar 9,3 faiz indeksləşdirilərək artırılıb  —  RƏSMİ AÇIQLAMA

SON DƏQİQƏ! Milli Məclis mühüm qərarlar qəbul edib 

Azərbaycan Lideri Şuşadan hansı mesajları verib? — Mötəbər tədbirin incə MƏQAMLARI

Şuşa Media Forumunda Prezidentin yanında diqqətçəkən xanım kimdir? - FOTOLAR