Azərbaycanda çevik iş vaxtı rejimi tətbiq edilə bilər : Əmək bazarında gözlənilən DƏYİŞİKLİKLƏR  

Azərbaycan əmək bazarında beynəlxalq təcrübəyə əsaslanan çevik iş vaxtı rejimi modellərinin yaradılması və tətbiqi istiqamətində müzakirələr aparılır. Yeni mexanizmlərin işə salınması həm işçilər, həm də işəgötürənlər üçün əmək münasibətlərində daha səmərəli yanaşmaların formalaşmasına şərait yarada bilər. Bu yeniliyin iqtisadiyyata, məşğulluğa və iş həyatı balansına təsirləri ilə bağlı  Əmək və Əhalinin Sosial Müdafiəsi Nazirliyi yanında İctimai Şuranın üzvü Aslan Əzimzadə Oxu24.com saytına açıqlama verib. Ekspert bildirib ki, təklif olunan model əmək bazarının daha çevik və səmərəli fəaliyyət göstərməsini təmin edəcək.

Çevik iş vaxtı rejimi əmək bazarına necə təsir edəcək?

Aslan Əzimzadənin sözlərinə görə, model işçi və işəgötürən arasında iş vaxtının təşkilində daha çevik yanaşma yaradaraq əmək məhsuldarlığının artmasına, işçilərin iş həyatı balansının yaxşılaşmasına və iş məmnunluğunun yüksəlməsinə şərait yarada bilər:

“Müxtəlif kateqoriyadan olan insanların, o cümlədən valideynlərin və kiçik yaşlı uşağı olan şəxslərin əmək bazarına iştirak səviyyəsini artırmaq potensialına malikdir”.

Ekspert qeyd edib ki, həftəlik 40 saatlıq iş normasının gündəlik başlama və bitmə vaxtının işə götürən və işçi tərəfindən qarşılıqlı razılıq əsasında müəyyən edilməsidir və beynəlxalq təcrübədə çox istifadə olunan bir modeldir.

İqtisadi baxımdan iqtisadçı vurğulayıb ki,  çevik iş vaxtı müəssisələrdə resurslardan daha səmərəli istifadəni, əməliyyat xərclərinin azalmasını və rəqabət qabiliyyətinin yüksəlməsini dəstəkləyə bilər:

“Xüsusən xidmət sektoru, informasiya texnologiyaları, maliyyə və digər bilik

əsaslı fəaliyyət sahələrində sözügedən modelin tətbiqi daha yüksək nəticələr verə bilər”.

Sonda ekspert əlavə edib ki, çevik iş vaxtı rejimi mövcud əmək qanunvericiliyinə və müasir əmək münasibətləri çərçivəsində tənzimlənəcək, paralel olaraq iş vaxtının uçotu, nəzarət mexanizmləri və sosial hüquqların tam qorunması vacib şərtlərdəndir.

Çimnaz Telmanqızı

Həmçinin oxuyun

Gələn il pensiya və müavinətlər artacaqmı? - Ən az artım sosial xərclər üzrədir, amma...

Metroda gedişhaqqı artırılır? - AÇIQLAMA

Leysan, şimşək, dolu, duman... - DYP-dən sürücülərə vacib çağırış  

Ali Baş Komandan,polis,hərbçi və Xalqın birgə yazdığı tarix — 20 sentyabr 2023-cü ilin tarixçəsi