Bağçalarda uşaqların qidalanması necə təşkil olunmalıdır? – Mütəxəssis RƏYİ  

Məktəbəqədər təhsil müəssisələrində uşaqların sağlam böyüməsi və inkişafı üçün qidalanma rejimi ən mühüm amillərdən biridir.

Valideynləri və cəmiyyəti maraqlandıran bu vacib mövzu ilə bağlı Oxu24.com-a Qida Təhlükəsizliyi Hərəkatının rəhbəri, sağlam qidalanma mütəxəssisi Məhsəti Hüseynova öz tövsiyələrini və mövcud standartları açıqlayıb.

Mütəxəssis bildirib ki, həm dövlət, həm də özəl bağçalarda uşaqların qidalanması mütləq şəkildə ciddi nəzarət altında saxlanılmalıdır. Bu nəzarət mexanizmi bir neçə pillədən ibarətdir:

 “Hər bir müəssisənin rəhbərliyi gündəlik qida rasionuna birbaşa məsuliyyət daşıyır. Səhiyyə Nazirliyi, məktəbəqədər təhsil müəssisələrinə nəzarət edən qurumlar və qida təhlükəsizliyi ilə bağlı aidiyyatı orqanlar tərəfindən mütəmadi yoxlamalar aparılmalıdır. Qidaları hazırlayan heyətin vaxtlı-vaxtında tibbi müayinədən keçməsi və bu barədə məlumatların qeyd olunması vacib şərtdir”.

Məhsəti Hüseynova vurğulayıb ki, uşaqlara təqdim olunan yeməklər əvvəlcədən tərtib edilmiş xüsusi normalara əsaslanmalıdır. Menyular hazırlanarkən aşağıdakı meyarlar əsas götürülməlidir:

“Qidalar müxtəlif yaş qruplarındakı uşaqların ehtiyaclarına uyğun olmalıdır. Vitamin və mineral balansı tam təmin edilməlidir.

 Yeməklər mütləq təbii və təzə ərzaqlardan hazırlanmalıdır. Yeməklər müxtəlif bağçalarda fərqli şəkildə təqdim oluna bilər, lakin əsas hədəf uşaqların inkişafı üçün lazım olan enerjini və qida maddələrini onlara düzgün çatdırmaqdır”.

Uşaqların fiziki və əqli inkişafı birbaşa onların nə yediyindən asılıdır. Mütəxəssis qeyd edir ki, mərkəzi və yerli orqanların nəzarəti ilə yanaşı, bağçalarda daxili nizam-intizamın güclü olması uşaqların gələcək sağlamlığı üçün zəmanətdir.

Uşaq bağçalarında qidalanma standartlarına əməl olunması hər bir müəssisənin prioritet vəzifəsi olmalıdır.

Çimnaz Telmanqızı

Həmçinin oxuyun

Oğlanlarla tutulan qızın şok əməli üzə çıxdı  —  GÖRÜNTÜLƏR

TƏCİLİ! Məktəblərlə bağlı yeni qərar: Şagird və müəllimləri nələr gözləyir?  

13 mayda bizi nələr gözləyir? — ULDUZ FALI

Bu təqaüdlər artırılır?   — Ekspert AÇIQLADI