İnfeksiya orqanizmdə necə qalır?

TİBB

485

26.03.2026, 20:59

Orqanizmə daxil olan bakteriyalar və gizli infeksiyalar

İnsan orqanizmi hər gün saysız-hesabsız mikroorqanizmlərlə təmasda olur. Tənəffüs yolu ilə daxil olan bakteriya və virusların böyük hissəsi zərərsizləşdirilsə də, bəziləri uzun müddət gizli qalaraq sonradan aktivləşə bilir.

Oxu24.com xəbər verir ki,mütəxəssislərin məlumatına görə, insan hər nəfəs aldıqda orqanizmə onlarla mikroorqanizm daxil ola bilər. Lakin güclü immun sistemi sayəsində bu bakteriyaların əksəriyyəti heç bir əlamət yaratmadan məhv edilir.

Bununla belə, bəzi bakteriya və viruslar orqanizmdə “latent” – yəni gizli vəziyyətdə qala bilir. Bu tip infeksiyalar illərlə heç bir simptom vermədən mövcud ola və yalnız müəyyən şəraitdə – immun sistem zəiflədikdə – aktivləşə bilər.

Məsələn, xlamidiya infeksiyası bir çox hallarda, xüsusilə qadınlarda uzun müddət simptomsuz gedə bilər. Bu da onun vaxtında aşkar olunmasını çətinləşdirir və gizli şəkildə inkişaf etməsinə səbəb olur.

Digər tərəfdən, immun sistemi təhlükəni aşkar etdikdə orqanizm dərhal reaksiya verir. Bu zaman iltihab, şişkinlik, qızdırma və ümumi halsızlıq kimi əlamətlər meydana çıxır. Bu simptomlar əslində bədənin müdafiə mexanizminin işə düşdüyünü göstərir.

Mütəxəssislər bildirir ki, hər bir infeksiya özünü açıq şəkildə göstərməyə bilər. Bu səbəbdən mütəmadi tibbi müayinələr və sağlam həyat tərzi gizli infeksiyaların vaxtında aşkarlanması baxımından mühüm əhəmiyyət daşıyır.

Nigar

Həmçinin oxuyun