Xocalının Daşbulaq kəndində 250-yə yaxın sakin işlə təmin olunub
19 Noyabr 2026, 12:13
Qaynar xətt:
(+99450) 247 90 86
QARABAĞ
779
28.10.2026, 19:28
Azərbaycanın 2020-ci il İkinci Qarabağ müharibəsində qazandığı tarixi Zəfər və 2023-cü ildə suverenliyini tam bərpa etməsi ilə Cənubi Qafqazda formalaşan yeni geosiyasi reallıq postmünaqişə dövründə əsas hədəfin davamlı sülh, regional əməkdaşlıq və qarşılıqlı etimadın təmin olunması olduğunu açıq şəkildə nümayiş etdirir. Uzun illər ərzində torpaqlarımızı işğal altında saxlayan düşmənə qarşı sülh əlini uzadan, hətta bir sıra məsələlərdə sülhün əldə olunması üçün güzəştlərə gedən Azərbaycan dünyada nadir ölkələrdəndir.
BMT Təhlükəsizlik Şurasının qətnamələrinin icra olunmaması və beynəlxalq hüququn tətbiqindəki çətinliklər isə qlobal səviyyədə ciddi müzakirə mövzusudur. Mövzu ilə bağlı Milli Məclisin deputatı Samir Vəliyev Oxu24.com-a açıqlama verib.
Samir Vəliyev bildirib ki, Azərbaycanın təcrübəsindən çıxarılan əsas dərs beynəlxalq hüququn aliliyinin qorunması, ikili standartların aradan qaldırılması və beynəlxalq təşkilatların qəbul etdiyi qərarların icrasının təmin edilməsidir. Çünki ədalətli və davamlı sülh yalnız siyasi bəyanatlarla deyil, beynəlxalq hüquqa hörmət, qarşılıqlı məsuliyyət və konkret addımlarla mümkündür.
Deputat qeyd edib ki, Azərbaycan beynəlxalq hüququn tətbiqində mövcud olan problemləri və beynəlxalq təşkilatların qərarlarının icrasındakı çətinlikləri aydın şəkildə ortaya qoydu:
“Birləşmiş Millətlər Təşkilatının Təhlükəsizlik Şurasının dörd qətnaməsinin uzun müddət icra olunmaması beynəlxalq hüququn yalnız qərarların qəbul edilməsi ilə deyil, onların həyata keçirilməsini təmin edən təsirli mexanizmlərlə dəstəklənməli olduğunu Azərbaycan faktiki olaraq göstərmiş oldu”.
Samir Vəliyevin sözlərinə görə, Azərbaycanın təcrübəsi beynəlxalq hüququn tətbiqində ikili standartların yolverilməz olduğunu bir daha sübut edir:
“Eyni hüquqi prinsiplərin müxtəlif dövlətlərə münasibətdə fərqli şəkildə tətbiqi beynəlxalq təşkilatlara birbaşa inamı zəiflədir, dövlətlər arasında etimadsızlıq yaradır və dünya nizamına mənfi öz təsirini göstərir. Buna görə də beynəlxalq hüquq dövlətlərin siyasi maraqlarından asılı olmayaraq hamıya eyni meyarlarla tətbiq edilməlidir”.
“BMT və Təhlükəsizlik Şurasının əsas vəzifəsi yalnız münaqişələrlə bağlı hər hansı qətnamələr qəbul etmək deyil, həm də onların icrasına nəzarət etmək, eyni zamanda davamlı sülhün təmin olunmasına töhfə verməkdir. Bu baxımdan veto hüququndan irəli gələn maneələrin azaldılması, beynəlxalq təşkilatların fəaliyyətinin səmərəliliyinin artırılması və qərarların icra mexanizmlərinin gücləndirilməsi çox vacibdir”,- deyə deputat vurğulayıb.
Samir Vəliyev həmçinin bildirib ki, Azərbaycanın 2020-ci ildə İkinci Qarabağ müharibəsindən sonra və 2023-cü ildə suverenliyini tam bərpa etməsi ilə formalaşan yeni reallıq onu göstərir ki, münaqişədən sonrakı mərhələdə əsas məqsəd davamlı sülhün, regional əməkdaşlığın və qarşılıqlı etimadın təmin olunmasıdır. Azərbaycan dünyada nadir ölkələrdəndir ki, 30 il ərzində torpaqlarımızı işğal altında saxlayan düşmənə sülh əlini uzatdı və bir sıra məsələlərdə sülhün əldə olunması məqsədilə hətta güzəştlərə belə getdi.
Çimnaz Telmanqızı
23:06 / 20 Noyabr 2026
25
22:45 / 20 Noyabr 2026
60
22:35 / 20 Noyabr 2026
60
22:22 / 20 Noyabr 2026
75
22:01 / 20 Noyabr 2026
92
21:52 / 20 Noyabr 2026
82
21:48 / 20 Noyabr 2026
84
21:21 / 20 Noyabr 2026
94
20:50 / 20 Noyabr 2026
131
20:40 / 20 Noyabr 2026
175
20:33 / 20 Noyabr 2026
116
20:25 / 20 Noyabr 2026
238
20:25 / 20 Noyabr 2026
123
20:20 / 20 Noyabr 2026
122
20:18 / 20 Noyabr 2026
114
20:06 / 20 Noyabr 2026
114
20:02 / 20 Noyabr 2026
802
20:01 / 20 Noyabr 2026
108
19:50 / 20 Noyabr 2026
137
19:50 / 20 Noyabr 2026
115
19:46 / 20 Noyabr 2026
121
19:37 / 20 Noyabr 2026
156
19:37 / 20 Noyabr 2026
1371
© 2026 Oxu24.com Müəllif hüquqları qorunur.