Niyə gənclər arasında infarkt halları artır?

ABŞ Milli Səhiyyə Statistikası Mərkəzinin açıqladığı yeni məlumatlar gənclər arasında infarkt hallarının artdığını göstərir.

Oxu24.com xəbər verir ki, Statistikaya görə, 2019-cu ildə 18-44 yaş arası böyüklərin 0,3 faizi infarkt keçiribsə, bu göstərici 2023-cü ildə 0,5 faizə yüksəlib. Bu isə cəmi dörd il ərzində təxminən 66 faizlik artım deməkdir.

Mütəxəssislər bildirib ki, ürək tutması artıq yalnız yaşlı insanların problemi deyil. Son illər 20-30 yaşlı şəxslər arasında da ciddi ürək-damar xəstəliklərinə daha çox rast gəlinir.

Yüksək qan təzyiqi, şəkərli diabet, yüksək xolesterol, piylənmə və siqaret kimi risk faktorları erkən yaşlarda damarları zədələyərək infarkt riskini artırır.

Gənc qadınlarda da risk yüksəlir

Araşdırmalara əsasən, infarkt kişilərdə daha çox müşahidə olunsa da, son illərdə gənc qadınlar arasında da halların sayı artır. Mütəxəssislər qadınlarda sinə ağrısı ilə yanaşı nəfəs darlığı, ürəkbulanma, bel və çənə ağrısı kimi əlamətlərin də infarktın xəbərçisi ola biləcəyini vurğulayıblar.

COVID-19-un təsiri araşdırılır

Elmi tədqiqatlar COVID-19 infeksiyasının bəzi insanlarda uzunmüddətli ürək-damar problemlərinə səbəb ola biləcəyini göstərir. Xüsusilə 25-44 yaş qrupunda pandemiyadan sonra ürək tutmalarının artdığı müşahidə edilib. Bununla yanaşı, mövcud araşdırmalar COVID-19 peyvəndlərinin infarkt riskini artırmadığını, əksinə infeksiyanın yarada biləcəyi ürək ağırlaşmalarına qarşı qoruyucu təsir göstərə biləcəyini bildirir.

Ürək sağlamlığını qorumaq mümkündür

Mütəxəssislər infarktın qarşısının böyük ölçüdə alına biləcəyini vurğulayaraq, gənclərə müntəzəm tibbi müayinədən keçməyi tövsiyə ediblər. Sağlam qidalanma, fiziki aktivlik, siqaretdən uzaq durmaq, normal çəki saxlamaq və kifayət qədər yuxu ürək sağlamlığının qorunmasında əsas amillər hesab olunur.

Həkimlər xüsusilə ailəsində ürək xəstəliyi olan şəxslərin vaxt itirmədən kardioloji müayinədən keçməsinin vacibliyini qeyd ediblər. Sinə ağrısı, nəfəs darlığı, ürəkdöyünmə, səbəbsiz yorğunluq və fiziki gücün azalması kimi əlamətlər isə laqeyd yanaşılmamalıdır.

Həmçinin oxuyun

Ramiz Mehdiyevin görün nə qədər təltifi varmış: Hamısı geri alınacaq?

Azərbaycanda məktəblərlə bağlı yeni qayda – Məcburi ola bilər

Ramiz Mehdiyevlə bağlı növbəti addım 

Milli Məclis mühüm QƏRARLAR QƏBUL ETDİ