Baş Prokurorluq hərəkətə keçdi: Toliklə Səidə də həbs edilir? 

Baş Prokurorluq sosial şəbəkələrdə təhqiramiz ifadələr işlədən, əxlaqsız hərəkətlər edən və bədən üzvlərini nümayiş etdirən istifadəçilərlə bağlı tədbirlərə başlayıb. Məlumata görə, bu əməllərə görə artıq 6 nəfər hüquqi məsuliyyətə cəlb olunub. Onlardan 4-ü barəsində inzibati həbs, 2-si barəsində isə inzibati cərimə tənbeh növləri tətbiq edilib.

Bildirilir ki, internet məkanında ictimai əxlaq normalarını pozan şəxslər barəsində qanunvericiliyə uyğun ciddi addımlar atılacaq. Bu kontekstdə aparıcı Tarix Əliyev(Tolik) ilə müğənni Səidə Sultan arasında sosial şəbəkələrdə qarşılıqlı ağır ifadələrlə müşayiət olunan mübahisə də müzakirə mövzusuna çevrilib. Lakin həmin şəxslərlə bağlı hər hansı cəza tədbiri görülməyib.

Onlar haqda da prokurorluq bu cür addımlar atmalıdırmı? Barələrində hansı işlər görülməlidir?

Oxu24.com Globalinfo.az-a istinadən xəbər verir ki,  danışan Mətbuat Şurası İdarə Heyətinin üzvü, hüquq müdafiəçisi Azər Həsrət deyib ki, kimliyindən asılı olmayaraq hər kəslə bağlı tədbir görülməlidir:

“Mən də sosial mediada açıq söyüş və ağır ifadələrin yer aldığı həmin paylaşımları gördüm. Bu, qəbuledilməzdir və buna uyğun məsuliyyət müəyyən olunmalıdır. Düşünürəm ki, yalnız Baş Prokurorluq deyil, bütövlükdə cəmiyyət olaraq hamımız birlikdə ciddi mövqe ortaya qoymalıyıq. Azərbaycan elə bir ölkə deyil ki, insanlar bir-biri ilə söyüş və təhqir dili ilə ünsiyyət qursunlar. Xüsusilə ictimai çəkisi və təsir imkanları olan şəxslər davranışlarında ədəb çərçivəsini qorumalıdırlar”.

Həmçinin oxuyun

Maaş artımları ilə bağlı mühüm açıqlama 

Əməkdar artist vəfat etdi

Trampın iştirak etdiyi tədbirdə atəş açan şəxsin kimliyi məlum olub

Azərbaycan Prezidenti: Vaşinqtonda atışma məni dərindən sarsıtdı, zorakılıq qəti şəkildə pislənməlidir

Azər Həsrət

Media eksperti bildirib ki, belə hallar cəmiyyətin əxlaqına və tərbiyə mühitinə mənfi təsir göstərir:

“Mütləq bunun qarşısı alınmalıdır. Hesab edirəm ki, daha sərt addımlar atılmalı və bu yanaşma normal qarşılanmalıdır. Heç kim bundan inciməli deyil, qanun hər kəs üçün eynidir. Özünü ifadə etmək, sərt tənqid, kimləsə razılaşmamaq, əleyhinə çıxış etmək təbiidir.  Lakin bütün bunlar təhqir və söyüş olmadan, ədəb çərçivəsində olmalıdır”.