Xəbər verdiyimiz kimi, dünya futbolunun superulduzu, tarixin gəlmiş-keçmiş ən yaxşı 10 nömrələrindən biri Ronaldinyo artıq Bakıdadır.

Oxu24.com  Titul.az  -a istinadən xəbər verir ki, məşhur braziliyalı futbol əfsanəsini Bakıya gətirən təyyarə ötən gecə Bakı aeroportunda eniş edib. 

Onu Bakıya gətirən isə Lionel Messi ilə də yaxın dostluğuyla tanınan azərbaycanlı iş adamı Adnan Əhmədzadədir. Ronaldinyo A.Əhmədzadənin şəxsi təyyarəsi ilə Bakıya gəlib. 

Qeyd edək ki, Ronaldinyo Qauço noyabrın 12-də BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsədilə Azərbaycana səfərə gəlib.