Xüsusi Təyinatlı Qüvvələrin (XTQ) zabiti, qərargah rəisinin müavini, mahir kəşfiyyatçı, kapitan İsmayılov Elçin Mübariz oğlu 30 may 1989-cu ildə Ucar rayonunda anadan olub. 1995-ci ildə Ucar rayonunda 1 nomrəli məktəbə gedib və 2006-ci ildə həmin məktəbi bitrərək Heydər Əliyev adına Ali Hərbi Məktəbə daxil olub.

Həmin məktəbdə yaxşı oxuduğuna görə çoxlu sayda fərxi fərmanlar və təşəkkürnamələr verilib. 2010-cu ildə Heydər Əliyev adına Ali Hərbi Məktəbini bitirib və Zabitlərin təkmilləşdirilmə kursuna daxil olub və oranı "Əla" nəticə ilə bitirib.

Sonra "N" sayli hərbi hissəyə xidmətə yollanıb. Həmin hərbi hissədə bir müddət işlədikdən sonra könüllü olaraq Xüsusi Təyinatlı Qüvvələrə öz adını yazdırıb. Xüsusi Təyinatlı Qüvvələrin seçim mərhələsindən 300 nəfərdən 19 nəfər uğurla keçib, həmin 19 nəfərin daxilində İsmayılov Elçində olub. 2016-ci ildə Aprel döyüşlərində fəal iştirak edib.
27 sentyabr 2020-ci il tarində başlanan Vətən müharibəsinə, döyüşməyə yollanib.
Cəbrayıl rayonunun, Murovdağ zirvəsinin azad edilməsində iştirak edib.

Erməni polkovnikinin qulağına "Sənə Poladın qanını gətirdim" deyib. Çox sayda erməni hərbçisini və döyüş texnikalarını məhv edib. 07 oktyabr 2020-ci ildə Füzuli istiqamətində gedən döyüşlərdə Şəhidlik zirvəsinə ucalmışdır. 8 oktyabr Ucar rayon Şəhidlər Xiyabanında dəfn edilib. 
Kapitan İsmayılov Elçin Mübariz oğlu, ölümündən sonra “Vətən ugrunda”, "Cəbrayılın azad olunmasına görə" və "Kəlbəcərin azad olunmasına görə" medalları ilə təltif edilib.