Bu status büdcəyə ağır yük yarada bilər - Ekspertdən ŞOK PROQNOZ

Son vaxtlar cəmiyyətdə və müxtəlif müzakirə platformalarında müəllim və həkimlərə dövlət qulluqçusu statusunun verilməsi barədə təkliflər gündəmə gətirilir. Bu statusun verilməsi həmin sahədə çalışanların sosial təminatının və əməkhaqlarının əhəmiyyətli dərəcədə artması demək olsa da, məsələnin reallaşma imkanları böyük sual altındadır. Çünki bu addım birbaşa dövlət büdcəsinə milyardlarla manat əlavə yükün daxil olması mənasına gəlir. Hazırda ölkəmizdə bu kateqoriyadan olan işçilərin sayının kifayət qədər çox olması iqtisadi baxımdan resursların düzgün bölüşdürülməsi zərurətini yaradır. Məsələyə yalnız sosial deyil, həm də dövlətin gəlir mənbələri və büdcə imkanları prizmasından yanaşmaq mütləqdir. Əks halda, iqtisadi əsası olmayan addımlar ölkə iqtisadiyyatında ciddi disbalans yarada bilər.

Oxu24.com xəbər verir ki, mövzu ilə bağlı saytımıza danışan iqtisadçı-ekspert Xalid Kərimli bu yanaşmanın real olmadığını və məsələyə iki tərəfli baxmağın vacibliyini vurğulayıb:"Müəllim və həkimlər dövlət qulluqçusu deyillər, onlar təhsil və səhiyyə işçiləridir. Belə bir statusun verilməsi real deyil, çünki bu, dövlət büdcəsi üçün çox ciddi əlavə yükdür. Dövlət bu qədər insanın sosial təminatını, əlavələrini və yüksək maaşlarını necə, hardan təmin etməlidir? Axı dövlətin elə böyük gəlirləri yoxdur. Dövlətin əsas gəliri neft satışından və vergilərdəndir”.

Onun sözlərinə görə, neft də getdikcə azalır və onun həcmi həmişə məhdud olub. Əlavə olaraq iqtisadçı qeyd edib ki, digər belə təkliflər real deyil və sadəcə populist iddialardır:“Bu cür məsələləri fikirləşəndə ancaq “artıraq, xərcləyək” prinsipi ilə yox, “bu pulu hardan tapaq, kimdən alaq?” sualları ətrafında da düşünmək lazımdır”,-deyə o bildirib. 

Beləliklə, müəllim və həkimlərə dövlət qulluqçusu statusunun verilməsi sosial baxımdan cəlbedici təklif kimi qiymətləndirilsə də, ekspertin fikrincə, bunun həyata keçirilməsi üçün ilk növbədə dövlət büdcəsinin imkanları və maliyyə mənbələri nəzərə alınmalıdır. Əks halda, iqtisadi əsaslandırılması olmayan belə addımlar dövlət maliyyəsinə ciddi əlavə yük yarada və büdcə balansına mənfi təsir göstərə bilər.

Çimnaz Telmanqızı

Həmçinin oxuyun

Milli Hidrometeorologiya Xidməti bu tarixdə Azərbaycana qar yağacağını AÇIQLADI

Cəmi 37 yaşı VAR  — Yeni başçının DOSYESİ

Sürücülük vəsiqəsi dəyişdirmək istəyənlərə VACİB XƏBƏR! İmtahan tələb olunurmu?

"Qərbi Azərbaycanın yaddaş yerləri": Ağbulaq kəndi Göyçə mahalının tərkibində olub-Video