10 aya general olan sədr müavini yüksək vəzifəlinin OĞLUDUR -FOTO

Ölkənin ən gənc generallarından biri olan, 34 yaşında general-mayor ali xüsusi rütbəsinə yüksələn Dövlət Gömrük Komitəsi sədrinin müavini Fuad Məmmədov barədə məlumat vermişdik.

Azərbaycanda belə bir gənc kadrların ön plana çəkilməsi və karyera yüksəlişi rəğbətlə qarşılanıb.

Oxu24.com sosial şəbəkələrdə də geniş müzakirə mövzusu olan general-mayor haqqında yeni məlumat əldə edib.

Belə ki,Fuad Məmmədov  BP-nin hasilat üzrə baş vitse-prezidenti  Elxan Məmmədovun oğludur.E.Məmmədov 2 dekabr 2024-cü ildən etibarən bu vəzifəni tutur.O, BP-nin Azərbaycan-Gürcüstan-Türkiyə (AGT) regionunda hasilat üzrə vitse-prezidentidir. Bu vəzifədə E.Məmmədov  son bir neçə ildir ki, AGT regionunda bp-nin bütün hasilat işlərinə rəhbərlik edir.

Elxan Məmmədov BP-də fəaliyyətinə 2001-ci ildə nəzarət-ölçü cihazları üzrə texnik vəzifəsi ilə başlayıb. Bundan əvvəl isə o, aviasiya sektorunda işləyib.BP-də ElxanMəmmədov  quruda və dənizdə bir sıra yüksək vəzifələrdə, o cümlədən dəniz platforması meneceri və sahə əməliyyatları üzrə menecer vəzifələrində çalışıb.

 O, həmçinin AGT üzrə regional prezidentin biznes müşaviri vəzifəsində işləyib. E.Məmmədov  nəhəng AÇG və Şahdəniz yataqları, dünyanın ən böyük quru terminallarından biri olan Səngəçal terminalı, habelə Azərbaycan, Gürcüstan və Türkiyə əraziləri boyunca uzanan neft və qaz ixrac boru kəmərləri də daxil olmaqla mürəkkəb əməliyyatları uğurla idarə etmək təcrübəsinə malikdir.

Elxan Məmmədov Azərbaycan Dövlət Neft və Sənaye Universitetinin proseslərin avtomatlaşdırılması üzrə magistr dərəcəsi, Massaçusets Texnologiya İnsitutu (MIT) və London Biznes Məktəbinin bir sıra ixtisaslaşmalar üzrə diplomları var. O, Əməliyyatlar üzrə ən yüksək Pol Martins mükafatına layiq görülüb. 

2014-cü ildə Elxan Azərbaycan Prezidenti tərəfindən ölkənin neft və qaz sənayesinin inkişafına verdiyi əhəmiyyətli töhfələrinə görə “Tərəqqi” medalı ilə təltif olunub.

Ailəlidir, üç övladı var. 

Nigar

Həmçinin oxuyun

10 aya general olan sədr müavini yüksək vəzifəlinin OĞLUDUR -FOTO

Azərbaycanda kredit faizləri dəyişir? -İqtisadçı AÇIQLADI

Azərbaycanlı müğənni dünyasını dəyişdi- FOTO 

Vasif Talıbovun oğlu AÇIQLAMA YAYDI