Qarabağ FK yayda müdafiəni sıfırlayır? – Bütün mərkəz müdafiəçiləri ilə ayrılıq gündəmdə

İDMAN

915

23.02.2026, 11:00

Oxu24.com xəbər verir ki, Azərbaycan çempionu Qarabağ FK yay transfer pəncərəsində heyətində ciddi dəyişikliklər edə bilər.

Klubun əsas mərkəz müdafiəçilərinin demək olar ki, hamısının komandanı tərk etməsi gündəmdədir.

Bəhlul Mustafazadə legioner həyatı yaşamaq istəyir

Bəhlul Mustafazadə karyerasını xaricdə davam etdirmək niyyətindədir. 29 yaşlı müdafiəçinin başqa ölkədə futbol oynamaq istəyi onun yayda komandadan ayrılmasını real edir. Klubun isə futbolçuya təklif gələcəyi təqdirdə transferə mane olmayacağı gözlənilir.

Samy Mmae icarə müddətini başa vurur

Samy Mmae mövsümü icarə əsasında keçirir. Müqavilə şərtlərinə əsasən, o, yayda məxsus olduğu kluba geri dönəcək. Bu isə “Qarabağ”ın müdafiə xəttində daha bir boşluq yaradacaq.

Bədavi Hüseynov karyerasını başa vura bilər

Həmçinin oxuyun

SON DƏQİQƏ! Onu Azərbaycana deportasiya etdilər

Kəmaləddin Heydərov müavinini hadisə yerinə göndərdi: İnsanlar belə çıxarılır -VİDEO

Keşlədə nə baş verir? — Bakı meri hadisə yerinə getdi

SON DƏQİQƏ! Bakıda tələbə həbs olunub: Hadisədə qızlar da iştirak edibmiş — ADLAR

Bədavi Hüseynov uzun illərdir komandanın əsas sütunlarından biri olub. Təcrübəli futbolçu yayda futbolla vidalaşa bilər. Onun mümkün gedişi kollektiv daxilində böyük itki sayıla bilər.

Kevin Medina vətəninə qayıtmaq istəyir

Kevin Medina ailəvi səbəblərə görə ölkəsinə dönmək niyyətindədir. Kolumbiyalı müdafiəçinin qərarı rəsmiləşərsə, “Qarabağ”ın mərkəz müdafiə xətti tamamilə yenilənməli olacaq.

Beləliklə, yayda “Qarabağ”ı müdafiə xəttində ciddi yenilənmə gözləyə bilər. Klub rəhbərliyinin artıq alternativ variantlar üzərində çalışdığı ehtimal olunur. Qarşıdakı transfer dönəmi Ağdam təmsilçisi üçün həlledici olacaq.

Nərmin Balacayeva