Azərbaycanın hava üstünlüyü təsadüfi deyil, illərlə qurulan strategiyanın nəticəsidir”— HƏRBİ EKSPERT  

ABŞ-nin nüfuzlu “National Interest” jurnalında hərbi analitik Harrison Kassın müəllifliyi ilə işıq üzü görən “Ermənistan niyə Azərbaycan ilə hava müharibəsində qalib gələ bilməz?” adlı məqalə beynəlxalq miqyasda böyük maraq doğurub. Müəllif öz yazısında Azərbaycanın hərbi sahədəki mütləq üstünlüyünü və hava məkanındakı dominantlığını geniş şəkildə təhlil edib.

Məqalədə xüsusilə Azərbaycanın müasir hava hücumundan müdafiə sistemləri və zəngin hərbi-hava arsenalı sayəsində bölgədə yaratdığı yeni reallıqlar diqqətə çatdırılır. Son illərdə ölkəmizin hərbi texnologiyalar sahəsində atdığı strateji addımlar və qazandığı tarixi qələbələr bu elmi-hərbi analizin əsas sütunlarını təşkil edir.

Mövzu ilə bağlı hərbi ekspert Elmar Hüseynov Oxu24.com-a öz mühüm mülahizələrini bölüşüb.

Müsahibimiz hərbi ekspert Elmar Hüseynov bildirib ki, Amerikanın rəsmi “National Interest” jurnalının analitiki Harrison Kassın qələmə aldığı “Ermənistan niyə Azərbaycanla hava müharibəsində qalib gələ bilməz?” deyimi çox maraqlı köklərə əsaslanır:

“Bu ondan ibarətdir ki, Azərbaycanın hazırkı dövründə hava hücumundan müdafiə sisteminin müasir texnologiyaya üstünlüyünün verilməsi, ən müasir hava hücumundan müdafiə sisteminin əldə edilməsi, bununla yanaşı hava hücumunda tətbiq ediləcək hava hücum qüvvələrinin, yəni Hərbi Hava Qüvvələrinin arsenalında olan texnikaların say mövcudluğu, bazalanma sistemi və yerləşmə sistemi bunu özündə göstərməkdədir”.

Ekspert qeyd edib ki, 44 günlük Vətən müharibəsində Ermənistanın hava hücumundan müdafiə sisteminin sıradan çıxarılması, Hərbi Hava Qüvvələrinin Azərbaycanın daxilinə zərbələr endirməsinin qarşısının alınması buna hüquqi əsas verir:

“Hazırkı dövr üçün Azərbaycanın Türkiyə və İsrail, eləcə də Pakistanla bağladığı hərbi müqavilələr əsasında Azərbaycan hava məkanının bağlanması, istənilən istiqamətlərdən təxribatın qarşısının alınması üzrə tədbirləri həyata keçirir. Yeni kosmik və müasir intellekt, süni intellektlə idarə olunan bölmələrin yaradılması Müdafiə Nazirliyinin arsenalında planlanıb həyata keçirilir”.

Xatırladaq ki, Azərbaycanın hərbi sahədə həyata keçirdiyi modernləşmə proqramları, yüksək texnologiyalı silah sistemlərinin tətbiqi və peşəkar kadr hazırlığı ölkənin müdafiə potensialının əsas dayaqları hesab edilir. Beynəlxalq hərbi nəşrlər və analitik mərkəzlər də bu istiqamətdə əldə olunan nəticələrə tez-tez diqqət ayırırlar.

Həmçinin oxuyun

Azərbaycanda “işıq pulu” sistemi dəyişəcək

 Şəhana İmanova bacısının evində ÖLDÜRÜLDÜ   —  HADİSƏ YERİNDƏN 

Deputatdan pensiyaçılara ŞAD XƏBƏR: Artım tarixi AÇIQLANDI

DTX  xəbərdarlıq etdi - VİDEO