Bill Qeyts bütün sərvətini xeyriyyəçiliyə bağışlayacaq

news/2025_05_08/848458_src_1746712546.jpg

DÜNYA

304

08.05.2025, 17:53

Microsoft-un qurucusu və dünyanın ən zəngin insanlarından biri Bill Qeyts yaxın 20 il ərzində 200 milyard dollar dəyərində olan sərvətinin demək olar ki, hamısını öz fondu (Gates Foundation) vasitəsilə xeyriyyəçiliyə bağışlayacağını bəyan edib.

"Mən bütün vəsaitlərimi, demək olar ki, bütün dünyada insanların həyatını xilas etmək və yaxşılaşdırmaq üçün Qeyts Fondu vasitəsilə istifadə etməyi planlaşdırıram. Fond 31 dekabr 2045-ci ildə bağlanacaq", - deyə Qeyts öz internet səhifəsində yazıb.

Reuters qeyd edir ki, milyarder dolayısı ilə Amerikanın bir çox yardım proqramlarını kəsən və ya dayandıran ABŞ prezidenti Donald Trampı tənqid edib.

Qeyts yazıb ki, o, yeni doğulmuş körpələrin, uşaqların və anaların həyatını "qarşısını alına bilən səbəblərdən" xilas etmək, həmçinin poliomielit, malyariya və qızılca kimi xəstəliklərin kökünü kəsmək, yoxsulluğu azaltmaq istəyir.

“Mən öləndən sonra insanlar mənim haqqımda çox şeylər deyəcəklər, amma əmin olmaq niyyətindəyəm ki, onların heç biri “Zəngin ölüb” deməsin”.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

CNN xəbər verir ki, 2000-ci ildə fondu yaradan Bill və Melinda Qeyts, ilkin olaraq vəfat etdikdən sonra fondun öz vəsaitləri ilə fəaliyyətini davam etdirməsini planlaşdırırdılar. Bununla belə, Qeyts indi vəsaitlərin köçürülməsi prosesini sürətləndirməyə qərar verib.

Fond yarandığı gündən QİÇS, vərəm və malyariya ilə mübarizə proqramları da daxil olmaqla 100 milyard dollar ianə edib.

Bloomberg-in məlumatına görə, Qeytsin hazırkı sərvəti 108 milyard dollar qiymətləndirilir.

Nigar