Avropa Trampı tənqid etməməyə çağırıb

DÜNYA

179

08.05.2025, 11:52

Aİ hökumətləri NATO-nun qarşıdan gələn sammitinin iştirakçılarını mümkün qalmaqalların qarşısını almaq üçün ABŞ prezidenti Donald Trampın qərarlarının ictimai müzakirələrindən qaçmağa çağırıb.

Oxu24.com xəbər verir ki, bu barədə Financial Times məlumat yayıb.

Diplomatlar və rəsmilər qeyd ediblər ki, Avropa ölkələri Amerika lideri ilə münasibətləri pisləşdirməkdənsə, onunla əməkdaşlığı davam etdirmək niyyətindədirlər.

Bununla əlaqədar, Aİ hökumətləri gələn ay Haaqada baş tutacaq NATO sammiti yekunlaşana qədər ABŞ-la bağlı mühüm qərarları, o cümlədən əhəmiyyətli müdafiə investisiyalarını müvəqqəti olaraq dayandırmağı təklif edir.

NATO rəsmilərinə həmçinin Trampla toqquşma ehtimalını azaltmaq üçün tədbirin ölçüsünü minimuma endirməyə çağırılıb. Müzakirə olunan məsələlər arasında Amerika prezidentini arxayınlaşdırmaq tədbirləri, o cümlədən onun Ukraynaya münasibətini tənqid etməkdən və Qrenlandiyanın ilhaqı ilə bağlı ritorikadan yayınmaq da var.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Aİ-nin yüksək rütbəli rəsmisi vurğulayıb ki, əsas vəzifə sammitin dinc şəkildə keçirilməsini təmin etməkdir. Avropa paytaxtları həmçinin Avropa Komissiyasını Ağ Evə qarşı düşmənçilikdən çəkinməyə çağırıb.

Digər tərəfdən, ABŞ rəsmiləri xəbərdarlıq ediblər ki, 31 NATO üzvü arasında müdafiə xərclərinin artırılması ilə bağlı razılıq əldə olunmasa, Tramp sammitdən çıxa bilər. Vaşinqtonun əsas tələbi dəyişməz olaraq qalır: Avropalı müttəfiqlər Avropanın müdafiəsi üçün daha çox məsuliyyət götürməlidirlər.

NATO-nun yüksək səviyyəli diplomatı əlavə edib ki, təhlükəsizlik məsuliyyətinin ABŞ-dan Avropaya keçməsi üçün etibarlı planın hazırlanması prioritet olaraq qalır.

Nigar