Aİ Türkiyəni rədd edir

Avropa Parlamentinin (AP) çərşənbə günü qəbul etdiyi hesabata əsasən, Türkiyə cəmiyyətinin böyük bir hissəsinin demokratik və avropapərəst istəklərinə baxmayaraq, Türkiyənin Aİ-yə üzvlük prosesi mövcud şəraitdə bərpa edilə bilməz.

Hesabatı 367 deputat təsdiqləyib, 74 əleyhinə, 188 isə bitərəf qalıb.

"Avropa Parlamenti deputatları Türkiyədə demokratik standartların davam edən pisləşməsindən və tənqidi səslərin amansızcasına basdırılmasından dərin narahatdırlar. Onlar son dinc kütləvi etirazların dağıdılmasını və yüzlərlə etirazçının cinayət törətdiyinə dair heç bir dəlil olmadan tələsik kütləvi məhkəmələr vasitəsilə mühakimə olunmasını pisləyirlər", deyə o bildirib.

Hesabata görə, “Türkiyə hökuməti Avropa Birliyinə qoşulma prosesində zəruri olan fundamental demokratik çatışmazlıqları aradan qaldıra bilməyib”.

Sənədə görə, Türkiyə hakimiyyəti “ölkəni tam avtoritar modelə doğru daha da irəli aparır”.

Hesabatda bildirilir ki, Aİ-yə üzvlük “demokratiya, qanunun aliliyi, insan haqları, azlıqlara hörmət və müdafiə, mehriban qonşuluq münasibətləri, beynəlxalq hüquqa hörmət və Aİ-nin ümumi xarici və təhlükəsizlik siyasətinə riayət edilməsini təmin edən sabit institutlar” kimi müəyyən giriş meyarlarının yerinə yetirilməsindən asılıdır.

Aİ parlamentariləri xatırladırlar ki, bunlar mütləq meyarlardır. Hesabatda vurğulanır ki, "Aİ-yə üzvlük meyarları müzakirə olunmur".

Avropa Parlamenti Türkiyə hakimiyyətini, Aİ təsisatlarını və üzv dövlətləri “iqlim dəyişikliyi ilə mübarizə, enerji təhlükəsizliyi, terrorizmlə mübarizədə əməkdaşlığa və regional sabitliyə xüsusi diqqət yetirməklə daha sıx, daha dinamik və strateji tərəfdaşlıq” istiqamətində işi davam etdirməyə çağırıb.

1999-cu ilin dekabrında Avropa Şurası Türkiyəni Aİ üzvlüyünə namizəd ölkə kimi tanıdı. 2005-ci ilin oktyabrında ölkənin Avropa İttifaqına daxil olması ilə bağlı danışıqlara başlanılıb. 2018-ci ildə Aİ Şurası bu danışıqların dayandırıldığını bəyan edib. Şura sənədində deyilir: "Danışıqlar faktiki olaraq dalana dirənib".

Nigar

Həmçinin oxuyun

Döyüş meydanında yeni ERA: PUA-lar və Elektron Müharibə sistemləri müharibələrin taleyini necə dəyişir?  

Azərbaycanda bu sahədə  yeni mərhələ başlayır —Prezidentin təsdiqlədiyi Qanun nələri dəyişəcək?

Leysanla bağlı XƏBƏRDARLIQ

Pensiyalarla bağlı RƏSMİ AÇIQLAMA