Bu görüntüləri hər kəsi şok etdi - VİDEO

DÜNYA

345

07.05.2025, 18:52

Türkiyənin Çanaqqala vilayətində keçirilən qeyri-adi bir toy mərasimi sosial şəbəkələrdə və yerli mediada böyük marağa səbəb olub. Bayramiç rayonunun Pınarbaşı kəndində baş tutan toyda gəlin və bəyə edilən qeyri-adi hədiyyələr hər kəsi təəccübləndirib.

Oxu24.com xəbər verir ki, Pınar və Harun Acar cütlüyünün toyunda keçirilən takı mərasimində (qızıl və hədiyyə təqdimatı) iştirakçılar adət-ənənələrin xeyli kənarına çıxaraq, maraqlı və gülməli səhnələrə imza atıblar.

Gəlinə buzov, bəyə at hədiyyə edildi

Həftə sonu boyunca davam edən toy mərasimində bəyə edilən zarafatlar və təqdim olunan qeyri-adi hədiyyələr toya qatılanlar arasında əyləncəli ab-hava yaradıb. Kənd təsərrüfatı və heyvandarlıqla məşğul olan bəyə dostları qeyri-adi şəkildə at və gəlinə isə buzov hədiyyə ediblər.

Cütlüyün yaxın dostu Hakkı Eren gəlinə buzov təqdim edərkən, bəyin sağdıcı Utku Ercen və əmisi Halil Acar birlikdə aldıqları atı bəyə "takı" olaraq təqdim ediblər.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Ot, gübrə və yem də "takı" kimi təqdim olundu

Zarafatlar bununla da bitməyib. Toya qatılan digər qonaqlar isə cütlüyə ot bağlaması, gübrə və yem kimi kənd təsərrüfatı məhsulları hədiyyə veriblər. Ən maraqlı anlar isə bəyə qadın geyimləri hədiyyə edilib və bu geyimləri geyinməsi üçün məcbur edildiyi zaman yaşanıb. Hədiyyə olunan at və geyimlərlə toy məkanında dolaşdırılan bəy zarafatların nə vaxt bitəcəyini səbirsizliklə gözləyib.

Bu qeyri-adi və rəngarəng toy Pınarbaşı kəndi ilə yanaşı, ətraf kəndlər və Bayramiç rayon mərkəzində də böyük maraqla qarşılanıb. Sosial mediada yayılan görüntülər isə toya gələ bilməyənləri də güldürməyi bacarıb.