Qaynar xətt:

(+99450) 247 90 86

İsrail ordusu Səna hava limanını tamamilə dağıdıb

DÜNYA

203

06.05.2025, 17:34

İsrail Hərbi Hava Qüvvələri Yəmənin paytaxtı Sənada hava limanını tamamilə dağıdıb və Dəhban elektrik yarımstansiyasına hücum edib.

Bu barədə məlumatlı mənbələrə istinadən “Kan” dövlət televiziya və radio şirkəti məlumat yayıb.

“Husilərə yaxın iki mənbə Sənadakı hava limanının tamamilə dağıdıldığını bildirib”, - nəşr bildirib.

Bundan əvvəl İsrail Müdafiə Qüvvələri (IDF) hamını Yəmənin paytaxtı Sənadakı beynəlxalq hava limanını və ətraf rayonları dərhal tərk etməyə çağırıb. Səna ölkənin şimalını idarə edən Ənsar Allah (Husi) hərəkatının nəzarətindədir.

Daha sonra RİA Novosti məlumatlı mənbəyə istinadən yazıb ki, Sanada şəhərin beynəlxalq hava limanına endirilən aviazərbələr nəticəsində güclü partlayışlar baş verib.

Mayın 5-i axşam saatlarında Əl Məsirə bildirib ki, Birləşmiş Ştatlar və İsrail husilərin nəzarətində olan Hodeyda şəhərinə, eləcə də Qırmızı dənizdəki Hudeyda limanından təxminən 50 km şimal-şərqdə yerləşən Yəmənin qərbindəki Hudeydə əyalətindəki Bajel sement zavoduna birgə zərbələr endiriblər.

Bundan əvvəl Tramp İranı Yəmən husilərinin hücumlarını əlaqələndirməkdə ittiham edib.

Nigar