Qaynar xətt:

(+99450) 247 90 86

Kad;rov gedir 

DÜNYA

226

06.05.2025, 16:15

Çeçenistan Respublikasının rəhbəri Ramzan Kadırov mümkün istefa ilə bağlı şayiələrə münasibət bildirərək vəzifəsindən istefa vermək istədiyini açıqlayıb.

Oxu24.com xəbər verir  ki, O, bu barədə “Chechnya Today” xəbər agentliyinə müsahibəsində bildirib.

Kadırov qeyd edib ki, o, yeni rəhbərə ideya və yanaşmalarını həyata keçirmək imkanı vermək üçün vəzifəsindən azad olunmasını özü xahiş edir.

"Mən özüm də vəzifəmdən azad olunmağımı xahiş edirəm. Başqasının öz təşəbbüsü, öz baxışı olacaq. Ümid edirəm ki, mənim xahişim dəstəklənəcək", - deyə Kadırov bildirib.

Çeçenistan rəhbəri səlahiyyətlərinin götürülməsini konkret olaraq kimin tələb etdiyini açıqlamayıb.

Bundan əvvəl “Novaya qazeta Avropa” qəzeti Kadırovun səhhətinin pisləşməsinin onu hakimiyyətin təhvil verilməsinə hazırlaşmağa sövq etdiyini iddia edən məqalə dərc etmişdi.

Nəşrin yazdığına görə, 2024-cü ildə Çeçenistan rəhbərinin vəziyyəti müvəqqəti olaraq stabilləşib, lakin 2025-ci ildə o, planlı müayinə üçün Moskvaya getməyib, həyat yoldaşı Medni Kadırova məxsus Qroznıdakı “Aimed” klinikasında müalicə alıb.

Həmçinin bildirilirdi ki, Kadırovun qohumlarının və ona sadiq olan klanların, eləcə də oğullarının respublikada mövqeləri güclənir ki, bu da hakimiyyət dəyişikliyinə hazırlıqların tərkib hissəsi ola bilər.

Miri