Aİ Belarus təhlükəsizlik qüvvələrinə və jurnalistlərə qarşı yeni sanksiyalar tətbiq edib

Avropa İttifaqı sanksiyalar siyahısına Belarusun təhlükəsizlik qüvvələrinin nümayəndələrini, həmçinin BelTA agentliyinin baş direktoru və ölkə prezidentinin mətbuat xidmətinin keçmiş rəhbəri Dmitri Juku əlavə edib.

 

Oxu24.com  xəbər verir  ki, bu barədə Aİ Şurasının saytında məlumat verilib.

 

“Bu gün Şura Belarusda davam edən daxili repressiyalar və insan hüquqlarının pozulmasında rol oynadıqlarına görə daha 28 nəfərə qarşı məhdudlaşdırıcı tədbirlər tətbiq etmək qərarına gəlib”, - deyə bəyanatda bildirilir.

 

Baş Mütəşəkkil Cinayətkarlığa və Korrupsiyaya Qarşı Mübarizə İdarəsinin iki rəis müavini barəsində məhdudlaşdırıcı tədbirlər tətbiq edilib. Siyahılarda prokurorlar, hakimlər və müxtəlif islah müəssisələrinin rəhbərləri də var.

 

Sanksiya siyahısına BelTA-nın baş direktoru ilə yanaşı, agentliyin baş direktoru İrina Akuloviç, Senat televiziya proqramının aparıcısı və Belarus Milli Assambleyası yanında Gənclər Şurasının sədri Nikita Raçilovski də daxil edilib.

 

Bəyanatda deyilir ki, onlar təzyiqlərlə bağlı ictimaiyyətə yalan məlumat veriblər, dezinformasiyalar yayıblar, demokratik müxalifətə və vətəndaş cəmiyyətinə qarşı nifrəti təbliğ ediblər.

 

Hazırda Aİ-nin Belarusa qarşı məhdudlaşdırıcı tədbirləri 261 fiziki şəxs və 37 təşkilata şamil edilir.

 

İyun ayında Aİ Belarusdan qızıl, almaz və xam neft idxalına qadağa qoyub.

 

Bundan əvvəl Belarus Xarici İşlər Nazirliyi Aİ-nin yeni sanksiyalarını dəyərləndirib.

 

Miri