“Azərbaycanın humanitar diplomatiyası beynəlxalq arenada mövqelərini gücləndirir” – ŞƏRH  

Azərbaycan ehtiyac içində olan ölkələrə dəstək göstərmək missiyasını uğurla davam etdirir. Bu barədə Azərbaycan Xarici İşlər Nazirliyinin 19 avqust – Beynəlxalq Humanitar Yardım Günü münasibətilə "X" sosial şəbəkə hesabında edilən paylaşımda bildirilib. Rəsmi Bakının yürütdüyü bu siyasət yalnız sosial-mənəvi dəstəklə məhdudlaşmır, həm də ölkənin xarici siyasət prioritetlərindən birinə çevrilərək “humanitar diplomatiya” imkanlarını əhəmiyyətli dərəcədə artırır. Qlobal böhranlar, pandemiya və müharibə şəraitindən əziyyət çəkən xalqlara göstərilən yardım Azərbaycanın beynəlxalq tərəfdaşlıqlarının genişlənməsinə birbaşa zəmin yaradır. 

Məsələ ilə bağlı Oxu24.com-a açıqlama verən beynəlxalq münasibətlər üzrə şərhçi Əziz Əlibəyli Azərbaycanın humanitar siyasətinin yaratdığı imkanları şərh edib:

"Azərbaycanın humanitar siyasətini biz 2020-ci ildə pandemiya dönəmində, həmçinin sonrakı vaxtlarda da aydın gördük. Bütövlükdə müharibə şəraiti və müharibədən sonrakı dövrlərdə dünya xalqlarının qarşılaşdığı maddi və humanitar problemlər kontekstində Azərbaycan öz dəstəyini hər zaman göstərməkdədir. Ölkəmiz bu fəaliyyəti xarici siyasətin əsas missiyalarından və prioritetlərindən birinə çevirib”.

Onun sözlərinə görə, biz bu cür humanitar diplomatiyanın kifayət qədər geniş, pozitiv nəticələrini və faydalarını yaşamışıq. 

Əziz Əlibəyli həmçinin, qeyd edib ki, ən vacib məqamlardan biri odur ki, Azərbaycanın haqlı səsinin beynəlxalq tribunallarda, təşkilatlarda və assambleyalarda müzakirəsi zamanı bu fəaliyyət öz müsbət təsirini göstərib. 

Şərhçi vurğulayıb ki, Azərbaycanın haqlı mövqeyinin müdafiəsində həmin humanitar fəaliyyət geniş dividentlərlə yadda qalıb. Məsələn,Qarabağın Azərbaycanın tərkib hissəsi olmasına yönəlik BMT-də, İslam Əməkdaşlıq Təşkilatında və digər alt qurumlarda gedən müzakirələrdə bu amil birbaşa öz təsirini göstərib. Həmçinin Azərbaycanın Qoşulmama Hərəkatındakı uğurlu sədrliyi də məhz çoxgenişprofilli humanitar fəaliyyəti ilə yadda qalıb. 

Çimnaz Telmanqızı

Həmçinin oxuyun

 Zöhrab Zeynallı vəfat edib 

Qadınların pensiya yaşı ilə bağlı mühüm açıqlama:Tez çıxmaq üçün...

Son dəqiqə!Nazirlər Kabineti DİN-lə bağlı qərarı dəyişdi

Baş nazirdən ADSEA ilə bağlı qərar