Uşağa qulluğa görə müavinət - Kimlərə nə qədər ödənilir?

CƏMİYYƏT

386

07.08.2026, 15:57

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Uşağa qulluq məqsədilə sosial məzuniyyət götürən şəxslərə müavinət ödənilir.

Müavinətin təyin olunması üçün müraciət elektron formada həyata keçirilir.

Belə ki, valideynlərdən biri və ya ailənin digər üzvü uşağın 3 yaşı tamam olanadək ona qulluq etmək üçün qismən ödənişli sosial məzuniyyət götürə bilər.

Bu müddət ərzində uşağa qulluq edən şəxsə yaşa uyğun olaraq müavinət verilir.

Belə ki, uşağın 1 yaş yarımınadək qulluğuna görə aylıq 44 manat, 1 yaş yarımdan 3 yaşınadək qulluğuna görə isə 28 manat müavinət ödənilir.

Əlilliyi olan üç yaşınadək uşağa qulluğa görə müavinət qüvvədə olan qanunvericilikdə nəzərdə tutulmuş müavinət məbləğinin ikiqatı miqdarında verilir.

Uşaq üç yaşına çatanadək öldüyü halda müavinətin verilməsi uşağın öldüyü gündən, habelə sığortaolunanın öz xahişi ilə qismən ödənişli sosial məzuniyyət dövründə əmək müqaviləsinə xitam verildiyi və ya məzuniyyətdən öz arzusu ilə işə qayıtdığı tarixdən müavinətin verilməsi dayandırılır.

Təyinatın avtomatlaşdırılmış qaydada aparılmasının mümkün olmadığı hallarda, "Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş sığortaolunanlara sığortaedənin vəsaiti hesabına ödənilən müavinətin təyin edilməsi, hesablanması və ödənilməsi Qaydası"nın 1 nömrəli əlavəsi ilə müəyyən edilmiş formada sığortaedən tərəfindən müraciət edildikdən sonra müavinətin verilməsi təmin edilir.//Milli.az

Həmçinin oxuyun