Payızda immuniteti gücləndirməyin yolları
17 Noyabr 2026, 22:22
Qaynar xətt:
(+99450) 247 90 86
CƏMİYYƏT
274
28.10.2026, 20:13
Azərbaycanın beynəlxalq sanksiya siyahısına yeni dəyişikliklər edilib.
Oxu24.com xəbər verir ki, bu barədə Maliyyə Monitorinqi Xidməti məlumat yayıb.
Məlumata görə, dəyişiklik "Hədəfli maliyyə sanksiyaları haqqında" qanunun 5.2-ci maddəsinə və BMT Təhlükəsizlik Şurasının İŞİD və Əl-Qaidə Sanksiya Komitəsinin 2023-cü il yanvarın 16-da qəbul etdiyi qərara uyğun olaraq həyata keçirilib.
Sanksiya siyahılarına Azərbaycan məhkəmələrinin qərarları əsasında ölkədaxili siyahıya, eləcə də BMT Təhlükəsizlik Şurasının müvafiq sanksiya komitələrinin qərarları əsasında beynəlxalq siyahıya daxil edilmiş fiziki şəxslər və qurumlar daxildir. [Bunlara, adətən, terrorçuluq, terrorçuluğun maliyyələşdirilməsi, kütləvi qırğın silahlarının yayılması, beynəlxalq cinayətlər və digər ciddi pozuntularla əlaqəli şəxslər, təşkilatlar və şirkətlər daxildir - red.].
Ölkədaxili və beynəlxalq sanksiya siyahılarının yenilənmiş versiyaları Maliyyə Monitorinqi Xidmətinin rəsmi internet səhifəsində yerləşdirilib.
Qanunvericiliyə əsasən, öhdəlik daşıyan şəxslər sanksiya tətbiq edilməli şəxslərin və qurumların aktivlərini dərhal dondurmalıdırlar.
Bu tələb həmin şəxslərin birbaşa və ya dolayı yolla, təkbaşına və ya başqaları ilə birlikdə sahib olduqları və ya nəzarət etdikləri aktivlərə, eləcə də bu aktivlərdən əldə olunan digər vəsaitlərə şamil edilir.
Eyni zamanda, sanksiya tətbiq edilməli şəxslərin adından və ya onların tapşırığı ilə fəaliyyət göstərən fiziki şəxslərin və qurumların aktivləri, həmçinin həmin şəxslərin birbaşa və ya dolayı mülkiyyətində və ya nəzarətində olan qurumların aktivləri də dondurulmalıdır.
Aktivlərin dondurulması sanksiya tətbiq edilən şəxslərə əvvəlcədən xəbərdarlıq edilmədən və gecikdirilmədən həyata keçirilməlidir.
Öhdəlik daşıyan şəxslər aktivlərin dondurulması barədə dərhal Dövlət Təhlükəsizliyi Xidmətinə və Maliyyə Monitorinqi Xidmətinə internet səhifəsi vasitəsilə məlumat verməlidirlər.
Qeyd edək ki, hədəfli maliyyə sanksiyalarının tətbiqi sanksiya siyahısına daxil edilmiş şəxslərin və qurumların maliyyə vəsaitlərinə və iqtisadi resurslarına çıxışının məhdudlaşdırılmasını nəzərdə tutur.
23:10 / 17 Noyabr 2026
41
23:03 / 17 Noyabr 2026
132
22:45 / 17 Noyabr 2026
67
22:22 / 17 Noyabr 2026
77
22:08 / 17 Noyabr 2026
184
21:51 / 17 Noyabr 2026
93
21:38 / 17 Noyabr 2026
95
21:20 / 17 Noyabr 2026
102
21:11 / 17 Noyabr 2026
106
20:45 / 17 Noyabr 2026
105
20:39 / 17 Noyabr 2026
122
20:23 / 17 Noyabr 2026
111
20:12 / 17 Noyabr 2026
125
19:59 / 17 Noyabr 2026
127
19:51 / 17 Noyabr 2026
127
19:40 / 17 Noyabr 2026
221
19:39 / 17 Noyabr 2026
117
19:28 / 17 Noyabr 2026
920
19:21 / 17 Noyabr 2026
123
19:14 / 17 Noyabr 2026
129
19:09 / 17 Noyabr 2026
129
19:06 / 17 Noyabr 2026
311
18:57 / 17 Noyabr 2026
139
© 2026 Oxu24.com Müəllif hüquqları qorunur.