Ramil Səfərov indi nə işlə məşğuldur? - yeni detallar

Ramil Səfərov bir zamanlar Azərbaycan Ordusunun ən məşhur zabitlərindən biri idi.

O, 1977-ci il avqustun 25-də Cəbrayıl rayonunun Şükürbəyli kəndində doğulub. 1991-ci ildə Cəmşid Naxçıvanski adına hərbi liseyə daxil olub.

1992-ci ilin sentyabrında Müdafiə Nazirliyinin sərəncamı ilə təhsilini davam etdirmək üçün Türkiyənin İzmir şəhərinə göndərilib. Maltəpə hərbi liseyini müvəffəqiyyətlə bitirdikdən sonra Türkiyədə Quru Qoşunları məktəbinə daxil olub və hərbi təlim kursları keçib. 2001-ci ilin may ayından 2002-ci ilin mart ayına qədər Müdafiə Nazirliyinin sərəncamı ilə Gədəbəydəki “N” saylı hərbi hissədə taqım komandiri vəzifəsində qulluq edib.

2002-ci ilin mart ayında Heydər Əliyev adına Azərbaycan Ali Hərbi Məktəbinə (hazırda Heydər Əliyev adına Hərbi İnstitut) göndərilib. Qulluq etdiyi müddətdə baş leytenant rütbəsinə qədər yüksəlib. 2004-cü ilin yanvar ayında MN-in sərəncamı ilə NATO proqramları çərçivəsində Macarıstanın Budapeşt şəhərində keçirilən 3 aylıq ingilis dili kurslarına ezam olunub.

Vətənə dönməyə 20 gün qalmış - fevral ayının 19-da kurslarda iştirak edən Qurqen Markaryan adlı erməni zabitini Azərbaycan bayrağını təhqir etdiyinə görə öldürüb. Elə həmin tarixdə Budapeştin hüquq-mühafizə orqanları tərəfindən həbs olunub. Budapeşt Şəhər Məhkəməsinin 2006-cı il aprelin 13-də hökmü ilə ömürlük azadlıqdan məhrum edilib.

R.Səfərov 2012-ci il avqustun 31-də Azərbaycana ekstradisiya olunub. Azərbaycan Prezidentinin həmin gün imzaladığı sərəncamla əfv edilib.

1 sentyabr 2012-ci ildə o vaxtkı müdafiə naziri Səfər Əbiyev Ramil Səfərovu qəbul edərək, ona mayor rütbəsi təqdim edib.

Həmin ilin oktyabrında Ramil Səfərov ailə həyatı qurub. Hazırda bir qızı, bir oğlu var. 2017-ci ildə mayor R.Səfərova polkovnik-leytenant rütbəsi verilib.

48 yaşlı hərbçi hazırda polkovnik rübtəsi daşıyır.

Bəs R.Səfərov haralardadır?

“Yeni Sabah”ın əldə etdiyi xəbərə görə, R.Səfərov hazırda Müdafiə Nazirliyinin strukturuna daxil olan Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutda çalışır, tədrislə məşğul olur.

O, bir müddət əvvəl adıçəkilən universitetin “Milli Təhlükəsizlik və Hərbi Elmlər” jurnalının məsul katibi təyin edilib.

Həmçinin oxuyun

SON DƏQİQƏ! Prezident fərman imzaladı: FHN-in bəzi səlahiyyətləri ləğv edildi

Prezident nazirlə bağlı SƏRƏNCAM İMZALADI

Prezident tapşırıq verdi: Bu ilin oktyabr-noyabr aylarından etibarən...

Pensiya ilə bağlı milyonları maraqlandıran təklif: Hansı yeniliklər olacaq?