Küçə ticarəti QADAĞAN OLUNUR?

CƏMİYYƏT

641

19.05.2026, 12:48

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Azərbaycanda küçə ticarəti ilə bağlı yeni qaydaları müəyyən olunub.

Belə ki, yerli icra hakimiyyəti orqanları küçə ticarəti ilə məşğul olan şəxslər üçün layiqli iş şəraiti yaradacaqlar. Bu, Nazirlər Kabineti, Azərbaycan Həmkarlar İttifaqları Konfederasiyası və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası arasında 2026-2028-ci illər üçün Baş Kollektiv Sazişdə öz əksini tapıb. Danılmaz faktdır ki, Azərbaycanda küçə ticarəti geniş yayılıb və bu sahədə yetərincə problemlər var.

Maraqlıdır, tətbiq ediləcək yeni qaydalar küçə ticarətində hər hansı bir dəyişikliyə səbəb olacaqmı?

Oxu24.com xəbər verir ki,İqtisadçı ekspert Xalid Kərimli Hit.az-a açıqlamasında deyib ki, Azərbaycanda səyyar və küçə satışı ilə məşğul olan şəxslər fəaliyyətlərini qanunvericiliyin müəyyən etdiyi çərçivədə həyata keçirməlidirlər:

“Bu sahədə əsas tələb aidiyyəti qurumların razılığının alınmasıdır. Müvafiq icazə olmadan küçədə məhsul satışı qanunsuz fəaliyyət hesab edilir və buna görə məsuliyyət yarana bilər. Ümumiyyətlə, küçə ticarətinə hər yerdə icazə verilmir. Satış yalnız əvvəlcədən müəyyənləşdirilmiş ərazilərdə aparılmalıdır”.

Ekspert qeyd edib ki, məqsəd həm şəhərdə nizama riayət olunması, həm də insanların sərbəst hərəkətinə maneələrin yaranmamasıdır:

“Eyni zamanda, küçələrin ümumi görünüşünün qorunması da vacib amillərdən biri sayılır. Əlavə qadağaların tətbiqi və ya fəaliyyətin tam dayandırılması gündəmdə deyil. Sadəcə olaraq nəzarət tədbirləri gücləndirilir və qaydalardan kənar fəaliyyət göstərən şəxslərlə bağlı müvafiq addımlar atılır”.

Həmçinin oxuyun