Nəbziniz aşağıdırsa, sevinin: Cihazda bu rəqəmi görənlər DİQQƏT 

Müasir dövrdə bir çox insan təzyiq və ya nəbz ölçən cihazlarda aşağı göstəricilər görən kimi dərhal təşvişə düşür. Xüsusilə nəbzin dəqiqədə 50-60-dan aşağı olması əksər hallarda ciddi bir xəstəlik siqnalı kimi qəbul edilir. Lakin tibbi araşdırmalar və kardioloji təcrübələr göstərir ki, hər hansı bir patoloji simptomla müşayiət olunmayan aşağı nəbz, əslində, bədənin daha az köhnəlməsinin, ürəyin qənaətcil iş rejiminin və son nəticədə uzunömürlülüyün əsas göstəricisidir.

Oxu24.com xəbər verir ki, həkim kardioloq-aritmoloq Günay Rəhimova mövzu ilə bağlı açıqlama verib. Həkim bildirib ki, nəbzi aşağı olan insanlar yüksək nəbzli şəxslərlə müqayisədə həm daha uzun, həm də daha yüksək keyfiyyətli bir ömür sürürlər.

Kardioloq Günay Rəhimova aşağı nəbzin insan orqanizminə verdiyi bioloji üstünlükləri ürək əzələsinin iş prinsipi ilə izah edib:

“Ürək mahiyyət etibarilə bir əzələdir. Ürək hər yığıldıqda bədənə qan pompalayır. Nəbz aşağı olduqda, yəni ürək çox sürətlə vurmadıqda, o hər yığılmada qanı bütün bədənə tələsmədən, daha sakit və keyfiyyətli şəkildə ötürür. Bu yavaş və nizamlı mexanizm bütün daxili organların qanla daha mükəmməl şəkildə təchiz olunmasına şərait yaradır. Nəticədə pasiyent daxili bir rahatlıq hiss edir, ürək isə daha az yorulur”.

Həkim qeyd edib ki, cəmiyyətimizdə bunun tam əksi olan bir yanaşma mövcuddur. İnsanlar tonometrdə aşağı təzyiq və ya aşağı nəbz görən kimi qorxaraq dərhal həkimə qaçırlar. Halbuki, fizioloji olaraq yuxu zamanı nəbzin hətta 25-30-a qədər düşməsi belə, heç bir şikayət yoxdursa, tamamilə normal və sağlam bir hal hesab olunur.

Hansı hallarda aşağı nəbzdən qorxmalıyıq?

Aşağı nəbz (bradikardiya) hər zaman ziyansız olmur. Dr. Günay Rəhimova bildirir ki, əgər bu hal bəzi kliniki simptomlarla müşayiət olunursa, mütləq şəkildə kardioloqa müraciət edilməlidir:

“Beynin qanla yetərincə təmin olunmamasının ilkin göstəricisi ola bilər.

Ürəyin fəaliyyətində qısamüddətli dayanmaların və ya blokadaların siqnalı ola bilər.

Gün ərzində adi hərəkətlər zamanı belə yaranan kəskin halsızlıq, həkim müayinəsi zamanı kardioqrammada keçiriciliyin pozulması (blokada) və ya digər mənfi əlamətlərin aşkarlanması və s. ola bilər”.

Həkim əlavə edib ki, əgər bu sadalanan şikayətlərdən heç biri yoxdursa, sadəcə cihazda rəqəmin aşağı olduğunu görüb təşvişə düşməyin. Hər dəqiqə əlinizi nəbzinizə qoyub yoxlamayın. Şikayətsiz aşağı nəbz uzun ömrün zəmanətidir. Bunu bilin və sadəcə sevinin!

Çimnaz Telmanqızı

Həmçinin oxuyun

Milli Məclis müəllimlərlə bağlı qərar qəbul edib

Avqust ayında qeyri-iş günü nəzərdə tutulmayıb

Prezidentin nazir müavini təyin etdiyi şəxs kimdir? - DOSYE  

Bu şəxslərə şad xəbər:10% məbləğ geri qaytarılacaq