Səhər yuxudan durarkən beliniz ağrıyırsa,bu yazını oxuyun!

TİBB

24.04.2026, 13:35

Səhər oyananda hiss edilən bel ağrısı bir çox insanın gündəlik həyat keyfiyyətini azaldan, lakin çox vaxt diqqətdən kənarda qalan problemdir. Günə ağrı ilə başlamaq həm fiziki, həm də psixoloji olaraq yorucu təsir göstərir.

Bu sözləri Oxu24.com-a açıqlamasında endokrinoloq Fərhad Burzu bildirib.

Həmçinin oxuyun

Əli Əsədov qərar İMZALADI: 60 manat TƏSDİQLƏNDİ

Maaş və təqaüdlərin artımı BAŞLAYIR - Ekspert AÇIQLADI

Sürücüləri 30%-lik artım gözləyir — Qiymətlər necə hesablanacaq?

Azərbaycanda bu şəxslərin maaşları artırıldı

"Araşdırmalar göstərir ki, insanların əhəmiyyətli bir hissəsi həyatının müəyyən dövründə bel ağrısı yaşayır və bu narahatlıq bəzi hallarda xroniki hala keçir.Səhər bel ağrısının əsas səbəblərindən biri düzgün olmayan yatış mövqeyidir.Onurğanın təbii əyriliyini dəstəkləməyən pozisiyalar gecə boyunca gərginliyə səbəb olur. Digər vacib faktor isə uzun müddət hərəkətsiz qalmaqdır.Yuxu zamanı bədən saatlarla eyni vəziyyətdə qaldığı üçün əzələlərdə sərtlik və iltihab yarana bilər. Bundan əlavə, uyğun olmayan döşək və yastıq seçimi də onurğanın düzgün dəstəklənməməsinə gətirib çıxarır. Bəzi hallarda isə disk degenerasiyası, fibromialgiya və ya hamiləlik kimi vəziyyətlər bu ağrını daha da artırır.Bel ağrısının qarşısını almaq üçün düzgün yatış mövqeyi seçmək, orta sərtlikdə döşək istifadə etmək və səhər oyandıqdan sonra yüngül hərəkətlər etmək faydalıdır. Əgər ağrılar uzun müddət davam edirsə, mütləq mütəxəssisə müraciət etmək tövsiyə olunur",-deyə həkim bildirib.

Jalə