Beynin "zəif nöqtəsi" tapıldı

TİBB

1557

13.07.2025, 09:45

ABŞ-də aparılan yeni elmi araşdırma beynin gerçəklə xəyalı ayırmaqda necə işlədiyini ortaya qoyub.

Oxu24.com xəbər verir ki, alimlər müəyyən ediblər: beyin həm gördüyümüz, həm də sadəcə təsəvvür etdiyimiz zaman eyni sahələri - xüsusilə fusiform girus adlı hissəni aktivləşdirir. Bu o deməkdir ki, beyin üçün təsəvvürlə reallıq arasında fərq çox da aydın deyil.

Əsas fərq siqnalın gücündədir: əgər fusiform girusa zəif impuls göndərilirsə, beyin bunu xəyal kimi qəbul edir. Siqnal güclü olduqda isə həmin görüntü real hesab olunur.

Təcrübə zamanı iştirakçılara bəzən real xətlər göstərilib, bəzən isə onlardan bu xətləri təsəvvür etmələri istənilib. Proses fMRI cihazı ilə izlənilib. Alimlər həm real, həm də xəyal şəkillərində beyindəki eyni bölgənin aktiv olduğunu görüb.

Maraqlı məqamlardan biri də odur ki, anterior insula adlı başqa bir beyin sahəsi bu siqnalları təhlil edərək görüntünün real olub-olmadığına qərar verir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Araşdırmanın müəllifləri bildiriblər ki, bu yanaşma gələcəkdə halüsinasiyalarla bağlı müalicə yollarının araşdırılmasına da töhfə verə bilər.

Alim Tomas Peysin sözlərinə görə, bəzən beyin yalnız siqnalın gücünə baxaraq "bu doğrudur" qərarı verir. Yəni xəyal kimi qəbul etdiyimiz bəzi şeylər, əslində beynin onu "real" kimi qiymətləndirməsinin nəticəsi ola bilər.

Hazırda tədqiqat yalnız sadə şəkillərlə aparılıb, lakin alimlər növbəti mərhələdə daha mürəkkəb obrazlarla - insanlar, əşyalar, heyvanlarla da testlər keçirməyi planlaşdırır.