Ədliyyə Nazirliyində mühüm vəzifələr boş qalıb — Təyinatları gecikdirən SƏBƏBLƏR NƏDİR?

CƏMİYYƏT

3267

13.12.2025, 21:34

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Ədliyyə Nazirliyi ölkədə ən böyük qurumlardan biri hesab olunur.

Bu gün Ədliyyə Nazirliyində iki mühüm vəzifə uzun müddətdir boş qalır.

Oxu24.com xəbər verir ki,Azərbaycan Respublikasının Ədliyyə Nazirliyinin strukturunda iki mühüm rəhbər vəzifənin 2024-cü ildən etibarən daimi təyinat olmadan fəaliyyət göstərdiyi bildirilir.

Söhbət Cəzaların icrasına nəzarət baş idarəsinin rəisi və Ədliyyə sahəsində rəqəmsallaşma və innovasiyalar idarəsinin rəisi vəzifələrindən gedir.

Məlumata görə, 2024-cü ilin iyun ayında Cəzaların icrasına nəzarət baş idarəsinin rəisi Malik Ələkbərov vəzifəsindən azad edilib. Həmin vaxtdan bu günədək sözügedən vəzifəyə daimi rəhbər təyin olunmayıb. Hazırda idarəyə rəhbərlik müvəqqəti icraçı şəxs tərəfindən həyata keçirilir.

Eyni vəziyyət Ədliyyə sahəsində rəqəmsallaşma və innovasiyalar idarəsində də müşahidə olunur. Bu strukturda da rəis vəzifəsi daimi təyinatla təmin edilməyib və idarə müvəqqəti rəhbərlik əsasında fəaliyyət göstərir.

Qeyd edək ki, hər iki struktur Ədliyyə Nazirliyinin fəaliyyətində strateji əhəmiyyət daşıyır.

Cəzaların icrasına nəzarət baş idarəsi penitensiar sahədə nəzarət mexanizmlərinin həyata keçirilməsinə cavabdehdir.

Rəqəmsallaşma və innovasiyalar idarəsi isə ədliyyə sistemində elektron xidmətlərin genişləndirilməsi və müasir texnoloji həllərin tətbiqi istiqamətində fəaliyyət göstərir.

Onu da xatırladaq ki, bu vəzifələrə təyinatlar ədliyyə naziri tərəfindən imzalanan müvafiq sərəncam əsasında həyata keçirilir.

Miri Məcidli

Həmçinin oxuyun