Prezidentin Fərmanı bu şəxslərə də ŞAMİL OLUNACAQMI?  —  AÇIQLAMA 

Şəhid minatəmizləyənlərin ailə üzvlərinə təhsil güzəşti: Xaricdə oxuyanlara da şamil olunacaqmı?

Azərbaycan Respublikasının Nazirlər Kabineti tərəfindən qəbul edilən yeni qərara əsasən, işğaldan azad edilmiş ərazilərdə minatəmizləmə fəaliyyəti zamanı həlak olan şəxslərin ailə üzvlərinin təhsil haqları dövlət büdcəsi hesabına qarşılanacaq. Bu barədə Prezident İlham Əliyevin  mayın 5-də  imzaladığı "Təhsil haqqında" Qanunda  qeyd olunub.

Bu mühüm sosial qərarın icra mexanizmi və əhatə dairəsi ilə bağlı yaranan suallara təhsil eksperti Elçin Murad  Oxu24.com-a açıqlamasında  aydınlıq gətirib.

Xaricdə təhsil alanlara bu güzəşt şamil olunacaqmı?

Ekspert Elçin Murad bildirib ki, qanunvericilikdə nəzərdə tutulan güzəştlər birbaşa olaraq ölkə daxilindəki təhsil müəssisələrinə aiddir. Onun sözlərinə görə, xaricdə təhsil alan tələbələrin maliyyə xərclərinin qarşılanması məsələsi daha mürəkkəbdir:

"Əgər tələbə dövlət xətti ilə deyil, hansısa özəl şirkətin vasitəçiliyi və sadəcə attestatla xaricə üz tutubsa, onun xərclərinin dövlət tərəfindən qarşılanması mümkün deyil. Çünki bu hallarda çox vaxt həmin diplomlar ölkəmizdə tanınmır və dövlət büdcə ayırmır".

Ekspert vurğulayıb ki, yalnız beynəlxalq imtahanlar (YÖS, SAT, IELTS, TOEFL) vasitəsilə rəsmi qaydada xaricdə təhsil alan şəxslər fərqli statusa malikdir:

"Bu proqramlarla oxuyan gənclərin diplomları ölkəmizdə tanınır. Belə olan halda, şəxs öz şəxsi həssas vəziyyəti, xüsusən də şəhid ailəsi statusu ilə bağlı dövlətə müraciət edərək maliyyə yardımı istəyə bilər. Bu zaman dövlətin köməklik göstərməsi mümkündür, çünki müraciət artıq rəsmi üsulla təhsil alan şəxs tərəfindən edilir".

"Gənclər xaricə üz tutmasın"

Mövzuya sistemli yanaşan Elçin Murad sonda qeyd edib ki, əsas hədəf ölkə daxilində elə bir şərait yaratmaq olmalıdır ki, potensiallı gənclərimiz xaricə getməyə ehtiyac duymasınlar.

Xatırladaq ki, yeni qərar azad olunmuş ərazilərdə həyatını itirən minatəmizləyənlərin ailə üzvlərinin həm dövlət, həm də özəl ali və orta ixtisas müəssisələrində ödənişsiz təhsil almasını təmin edir.

Çimnaz Telmanqızı

Həmçinin oxuyun

SON DƏQİQƏ!Mehdiyevin ailəsində faciə:Ölən var

15 milyard dollarlıq hədəf: Türkiyə və Azərbaycan ticarətdə yeni mərhələyə keçir—EKSPERTLƏRDƏN ŞƏRH  

SON DƏQİQƏ! Daşqın və sellə bağlı XƏBƏRDARLIQ

SON DƏQİQƏ! Prezidentin köməkçisi tapşırıq verdi: Bu məsələ araşdırılır