Kolbasanın keyfiyyətini necə müəyyən etmək olar? - AÇIQLAMA 

Kolbasa alarkən yalnız məhsulun qiymətinə və görünüşünə diqqət yetirmək kifayət deyil. Məhsulun tərkibi, istehsal tarixi, son istifadə müddəti, saxlanma şəraiti və üzərində göstərilən məlumatlar onun keyfiyyəti və təhlükəsizliyi baxımından mühüm əhəmiyyət daşıyır. Xüsusilə satışda müxtəlif çeşiddə kolbasa məhsullarının olması, bəzi məhsulların tərkibində ət əvəzedicilərindən, qida əlavələrindən və digər komponentlərdən istifadə edilməsi istehlakçıların seçim zamanı daha diqqətli olmasını zəruri edir. Bəs kolbasa alarkən istehlakçılar hansı məqamlara diqqət yetirməlidirlər?

Keyfiyyətsiz və təhlükəli məhsulları necə müəyyən etmək olar? Kolbasanın rəngi və qiyməti onun keyfiyyəti haqqında nə dərəcədə məlumat verir?

.

Mövzu ilə bağlı qida eksperti Səbuhi Məmmədov Sonxeber.az-a açıqlamasında bildirdi ki, kolbasa alarkən istehlakçılar ilk növbədə məhsulun etiketində göstərilən məlumatlara diqqət yetirməlidirlər. Burada istehsal tarixi, son istifadə müddəti, məhsulun tərkibi, saxlanma temperaturu və istehsalçı haqqında məlumatlar mütləq yoxlanılmalıdır. Xüsusilə məhsulun tərkibində hansı növ ətin istifadə edildiyi, ətin miqdarı, nişasta, soya zülalı və digər qida əlavələrinin olub-olmadığı araşdırılmalıdır. Digər mühüm məsələ kolbasanın xarici görünüşüdür. Məhsulun rənginin həddindən artıq parlaq olması, səthində selik, yapışqanlıq, kif və ya qeyri-adi ləkələrin müşahidə edilməsi şübhə yaratmalıdır. Eyni zamanda, kəskin və xoşagəlməz qoxu da məhsulun xarab olmasının əlaməti ola bilər. Ancaq təkcə rəngə və qoxuya əsaslanaraq məhsulun təhlükəsizliyini müəyyən etmək mümkün deyil.

İstehlakçılar kolbasa məhsullarını açıq şəkildə, mənşəyi və saxlanma şəraiti məlum olmayan yerlərdən almamalıdırlar. Məhsul soyuducu şəraitdə saxlanılmalı, qablaşdırması zədələnmiş və ya şişmiş kolbasalardan uzaq durulmalıdır. Qiymətin ucuz olması da məhsulun keyfiyyətsiz olduğunu birbaşa göstərmir. Əsas məsələ məhsulun tərkibinin, istehsal standartlarının və təhlükəsizlik göstəricilərinin tələblərə uyğun olmasıdır.

Həmçinin oxuyun

Azərbaycandan Türkiyəyə BAŞSAĞLIĞI 

Azərbaycanda bu şəxslərin ailəsinə 20 min MANAT VERİLƏCƏK

Azərbaycan elminə ağır İTKİ ÜZ VERDİ

Kəmaləddin Heydərovun oğlu məktəblərdən YAZDI