DTX-dən əməliyyat: Həbs edilənlər var - Foto
20 Noyabr 2026, 18:57
Qaynar xətt:
(+99450) 247 90 86
KRİMİNAL
833
09.01.2025, 13:19
Bacısının ərini xüsusi amansızlıqla öldürməkdə ittiham edilən 27 yaşlı Əkbər Vəliyev cəzadan azad edilib.
Oxu24.com un məlumatına görə, Sumqayıt Ağır Cinayətlər Məhkəməsi işlə hərtərəfli tanış olduqdan sonra belə qərar qəbul edib.
Bu hadisə 2023-cü ilin yayında Sumqayıt şəhərində baş verib. Əkbər onunla eyni yaşlı yeznəsi Arif Muxtarovu bir neçə bıçaq zərbəsi ilə öldürüb. İstintaq materiallarında yazır ki, Arif yalvararaq onu uşaqlarına bağışlamasını istəsə də, yeznəsi ona rəhm etməyib.
Əkbər həbs edilsə də, ekspertlər onun cinayət törədərkən anlaqsız vəziyyətdə olduğu barədə rəylər veriblər. Məhkəmə müttəhimi fəaliyyət qabiliyyətsiz elan edib.

Qeyd edilən səbəbdən Əkbər məhkəmədə ifadə verməyib. Hakim Nurəddin Hüseynli onun həbs edilən zaman müstəntiqə verdiyi ifadəsini elan edib. O, həmin ifadəsində özünü tam təqsirli bilib. Yeznəsini öldürməyinin səbəbinin bacısını mütəmadi olaraq incitməsi olduğunu deyib: “İki il əvvəl bacımla evlənmişdi. Amma bilirdim ki, onu incidir. Buna baxmayaraq, qorxusundan bizə nə isə demirdi. Hadisədən bir qədər əvvəl bacım etiraf edib, amma ailəsinin dağılmaması üçün xahiş edib ki, heç kimə, heç nə deməyək”.
Əkbər hadisə günü Arifi çay içmək üçün restoranlardan birinə çağırıb. Cinayəti də restoranın yanında törədib. Təqsirləndirilən şəxs yeznəsinə bir-iki bıçaq vursa da, ölmədiyini görüb. Arif qan içində qaçmağa çalışıb. Fikri qəti olan Əkbər onu yenidən yerə yıxıb, bir neçə dəfə də bıçaqla vurub.
Hakim bütün tərəfləri dinlədikdən sonra ekspert rəylərini və prokurorun təklifini əsaslı hesab edib.
Qərara əsasən, Əkbər anlaqsız vəziyyətdə adam öldürdüyündən cinayət məsuliyyətindən və cəzadan azad edilib. O, hökm qanuni qüvvəyə minənə kimi Respublika Psixiatriya Xəstəxanasına yerləşdiriləcək.
22:45 / 20 Noyabr 2026
52
22:35 / 20 Noyabr 2026
57
22:22 / 20 Noyabr 2026
72
22:01 / 20 Noyabr 2026
89
21:52 / 20 Noyabr 2026
81
21:48 / 20 Noyabr 2026
83
21:21 / 20 Noyabr 2026
93
20:50 / 20 Noyabr 2026
130
20:40 / 20 Noyabr 2026
170
20:33 / 20 Noyabr 2026
116
20:25 / 20 Noyabr 2026
231
20:25 / 20 Noyabr 2026
122
20:20 / 20 Noyabr 2026
121
20:18 / 20 Noyabr 2026
114
20:06 / 20 Noyabr 2026
114
20:02 / 20 Noyabr 2026
792
20:01 / 20 Noyabr 2026
108
19:50 / 20 Noyabr 2026
137
19:50 / 20 Noyabr 2026
115
19:46 / 20 Noyabr 2026
121
19:37 / 20 Noyabr 2026
155
19:37 / 20 Noyabr 2026
1356
19:29 / 20 Noyabr 2026
118
© 2026 Oxu24.com Müəllif hüquqları qorunur.