İmamoğlunun gizlətdiyi həmin telefon ələ keçirildi

news/2025_03_30/ekrem_imamoglu_aa_1541047_2_1_1743362212.jpg

DÜNYA

312

21.05.2025, 22:13

İstanbul Respublika Prokurorluğunun "İBB korrupsiya və terror istintaqı" çərçivəsində apardığı araşdırmalar nəticəsində həbs edilən və vəzifəsindən uzaqlaşdırılan İstanbul Böyükşəhər Bələdiyyəsinin (İBB) keçmiş sədri Əkrəm İmamoğluna məxsus gizli saxlanılan ikinci mobil telefon əməliyyat zamanı ələ keçirilib.

Oxu24.com xəbər verir ki, İmamoğlu həbsdə olduğu müddətdə bu telefondan istifadə edib.

İstanbul Baş Prokurorluğu tərəfindən davam etdirilən istintaq "cinayət təşkilatının yaradılması və rəhbərliyi", "təşkilata üzvlük", "korrupsiya", "şəxsi məlumatların qanunsuz əldə edilməsi" və "tender saxtakarlığı" kimi maddələrlə aparılır. İmamoğlu ilə yanaşı, digər şübhəlilər də eyni istintaqa cəlb olunub.

İstanbul Maliyyə Cinayətləri ilə Mübarizə Şöbəsinin əməkdaşları tərəfindən həyata keçirilən basqın zamanı İmamoğlunun axtarışda olan ikinci mobil telefonu aşkar edilərək götürülüb. Araşdırmalara əsasən, həmin cihazdan istintaq zamanı da istifadə edildiyi müəyyənləşdirilib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

İmamoğlunun mart ayında həmin mobil telefon vasitəsilə etdiyi zənglərin HTS (telekommunikasiya) qeydləri istintaq materiallarına daxil edilib. Bu qeydlərdə onun 50 milyon lirə köçürməsi ilə gündəmə gələn Hüseyn Köksal ilə 5 dəfə, eyni istintaqda həbs edilən Kültür AŞ-nin keçmiş baş direktoru Serdal Taşkınla 8 dəfə, hazırkı direktor Murat Abbasla 11 dəfə, İBB Əmlak İdarəetmə Departamentinin rəhbəri Kağan Sürmegözlə isə 2 dəfə əlaqə saxladığı qeyd olunub.

HTS qeydlərinə əsasən, İmamoğlu istintaqda "təşkilatın idarəçilərindən biri" kimi göstərilən Fatih Keleşlə 135 dəfə danışıb. Bundan əlavə, Media A.Ş. İdarə Heyətinin sədri Murat Ongunla 521 dəfə, İstanbul Planlama Agentliyinin (İPA) rəhbəri Buğra Gökçe ilə 38 dəfə, siyasi müşavir Necati Özkanla isə 469 dəfə telefon əlaqəsi qurduğu aşkarlanıb.

İstintaq davam edir.