50 manata verilən çay narazılıq yaradır: Yeni qərar qəbul olunacaq? 

Son illər xüsusilə şəhərin mərkəzi hissəsində yerləşən bəzi çayxana, kafe və restoranlarda bir stəkan çayın qiyməti ilə bağlı narazılıqlar artmaqdadır. 

Ən çox müzakirə olunan məqamlardan biri isə maya dəyəri olduqca aşağı olan çayın bəzi məkanlarda həddindən artıq yüksək qiymətə təqdim edilməsidir. Elə məkanlar var ki, orada bir çay üçün tələb olunan məbləğlə başqa bir yerdə tam nahar etmək mümkündür. 

Bu isə cəmiyyətdə haqlı olaraq suallar yaradır: Məkan sahibi çayı istədiyi qiymətə sata bilər? Bu, istehlakçı hüquqlarının pozulması sayılır? Belə hallara qarşı vahid və ya sabit qiymət tətbiq edilə bilərmi?

Azad İstehlakçılar Birliyinin sədri Eyyub Hüseynov Hit.az-a açıqlamasında deyib ki, 14 ildən artıqdır ölkəmizdə maraqlı və narahatlıq doğuran bir vəziyyət hökm sürür:

“Bakı və bölgələrdə bəzi çayxanalarda bir çaynik çay və yanında bir-iki şirniyyat istehlakçıya 50 manata, hətta daha yüksək qiymətə təqdim olunur. Mən özüm də bu hallarla qarşılaşmışam. Xarici ölkədən olan qonaqlarımla birlikdə çay içdiyimiz zaman bizdən bir çaynik çaya görə yüksək məbləğ tələb olundu və həmin məbləği ödəməli oldum.

Mən hər zaman Azərbaycan çayxanaları ilə fəxr etmişəm. Çünki bizim gənclər bir çox Avropa ölkələrindən fərqli olaraq vaxtlarını pivə və spirtli içki məclislərində deyil, çayxanalarda keçirirlər. Bu, çox gözəl bir nümunədir və bunu xaricdən gələn qonaqlarıma da fəxrlə göstərirəm”.

Lakin mütəxəssis bir daha qeyd edib ki, çayxanalarda tətbiq olunan əsassız yüksək qiymətlər artıq 14 ildir davam edir:

“Dövlət orqanları isə bu məsələyə birbaşa müdaxilə edə bilmir, çünki qiymətlər sərbəstdir və sahibkar istədiyi məhsulu istədiyi qiymətə sata bilər. Təəssüf ki, bəzi biznes qurumları hökumətin sahibkarlıq üçün yaratdığı əlverişli və toxunulmaz mühitdən sui-istifadə edirlər. Bu isə həm yerli istehlakçıların narazılığına səbəb olur, həm də turizmin inkişafına mənfi təsir göstərir”.

Həmsöhbətimizin sözlərinə görə, biznes assosiasiyaları və aidiyyəti qurumlar bir araya gələrək bu kimi problemlərin həlli üçün addımlar atmalıdır: 

“Çünki həm yerli, həm də xarici istehlakçılar çayxanalarda tətbiq olunan qiymət siyasətindən ciddi şəkildə narazıdırlar. Hazırda bu sahədə tələb təklifi üstələdiyi üçün bəzi obyektlər istehlakçılar qarşısında istədikləri şərtləri irəli sürə bilirlər.”

Həmçinin oxuyun

TƏCİLİ! Prezident onların səlahiyyətini artırdı — FƏRMAN

Prezident mühüm Fərman İMZALADI: Sentyabrın 1-dən qüvvəyə minir

SON DƏQİQƏ!Məhkəmə Afət Fərmanqızı barədə QƏRAR VERDİ  

Azərbaycanda bu qadağan edilir? — Ekpertlər detalları AÇIQLADI