Sökülən "balaca evlər"lə bağlı YENİ TƏKLİF: Nə qədər pul VERİLMƏLİDİR?

Sökülən "balaca evlər"lə bağlı YENİ TƏKLİF: "Vətəndaş mərkəzdən uzağa getmək məcburiyyətində qalır"

Azərbaycanda dövlət ehtiyacları və ya şəhərsalma planı çərçivəsində söküntüyə məruz qalan kiçik sahəli mənzillərin sahibləri üçün yeni kompensasiya mexanizminin tətbiqi gündəmdədir. Milli Məclisdə qaldırılan bu məsələ, xüsusilə şəhərin mərkəzi hissələrində yaşayan, lakin mənzil sahəsi çox kiçik olan vətəndaşların maraqlarının qorunmasına xidmət edir.

Milli Məclisin iclasında deputat Vüqar Bayramov tərəfindən səsləndirilən təklifdə bildirilir ki, sahəsi az olan evlərin sökülməsi zamanı ödənilən mövcud kompensasiya vətəndaşın yeni mənzil almasına kifayət etmir. Bu səbəbdən həmin kateqoriyadan olan evlər üçün xüsusi artırılmış əmsalların tətbiqi və ya fərqli yanaşma metodikasının hazırlanması zəruridir.

Mövzu ilə bağlı Oxu24.com-un sualını əmlak məsələləri üzrə ekspert Elnur Azadov cavablandırıb.

-Hazırda söküntü zamanı ödənilən kompensasiyalar bazar qiymətlərinə uyğun hesablanırmı və kiçik sahəli evlərlə bağlı yaranan çətinliyin həlli yolu nədir?

Ekspert Elnur Azadov bildirir ki, bu gün parlamentdə Vüqar Bayramov tərəfindən toxunulan bu məsələ kifayət qədər aktualdır. O qeyd edir ki, xüsusilə dövlət xətti ilə söküntüyə məruz qalan kiçik sahəli evlərin sahibləri ciddi əziyyət çəkirlər. "Vətəndaş mərkəzdə yaşayır, evi köhnəlmiş olsa da, ona verilən kompensasiya hətta şəhərin kənarında belə ev almağa imkan vermir" deyən ekspert, bu istiqamətdə hazırda fərqli bir yanaşma metodikasının üzərində işlər aparıldığını vurğulayır.

Kompensasiyaların bazar qiymətinə uyğunluğuna gəlincə, E.Azadov bildirir ki, qiymətləndirmə prosesi "Qiymətləndirmə fəaliyyəti haqqında" qanuna əsasən, müvafiq palata və cəmiyyətlərin üzvü olan qiymətləndiricilər tərəfindən aparılır. Ekspert qeyd edir ki, həmin ərazidəki evlərin orta qiyməti müəyyən edilir və dövlət tərəfindən ödənişlər bu rəqəm əsasında həyata keçirilir.

Həmçinin oxuyun

1066 kilometrlik xəttin taleyi necə olacaq? — Azərbaycanla Ermənistan arasında qərar verilməli olan MƏSƏLƏ

Sökülən "balaca evlər"lə bağlı YENİ TƏKLİF: Nə qədər pul VERİLMƏLİDİR?

Prezidentin Fərmanı bu şəxslərə də ŞAMİL OLUNACAQMI?  —  AÇIQLAMA 

 UEFA Avropa Liqası: Azərbaycanda bu kanallar oyunu canlı verəcək

Lakin o, bu sistemin həm mənfi, həm də müsbət tərəflərinin olduğunu diqqətə çatdırır. Ekspertin sözlərinə görə, əgər bina tam aşınmış, qəzalı və yaşayış üçün tam yararsızdırsa, vətəndaşlar verilən kompensasiyanı normal qarşılayırlar. Lakin orta təmirli və insanların illərdir yaşadığı evlərdə vəziyyət fərqlidir. 

Ekspert vurğulayır ki, bu tip evlərə verilən vəsait həmin ərazidə hər hansı alternativ, hətta köhnə bir evin alınmasına belə yol vermir. Vətəndaşlar bildirirlər ki, bu məbləğlə mərkəzdən xeyli uzaq ərazilərə getmək məcburiyyətində qalırlar.

Elnur Azadov xüsusilə yüksək təmirli və az aşınmış evlərlə bağlı narazılıqlara toxunaraq bildirir ki, tətbiq olunan 2700 manatlıq (mərkəz üçün) və ya daha aşağı kompensasiya məbləğləri çox azdır. 

“Mənim fikrimcə, təmiri yüksək səviyyədə olan evlərə kompensasiya məbləği fərdi qaydada nəzərə alınmalıdır" deyən ekspert, təəssüf hissi ilə qeyd edir ki, hazırda belə bir mexanizm geniş tətbiq olunmadığından həmin mülk sahibləri özlərini zərərçəkən hesab edirlər.

Çimnaz Telmanqızı