Qaynar xətt:

(+99450) 247 90 86

Milli Məclisdə bu rayonla bağlı MÜZAKİRƏ: Dəyişiklik gözlənilir

Milli Məclisdə bu rayonla bağlı MÜZAKİRƏ: Dəyişiklik gözlənilir

CƏMİYYƏT

459

06.05.2026, 14:03

Quba rayonunun bir sıra ərazi vahidlərinin adlarının dəyişdirilməsi haqqında Milli Məclisin qərar layihəsi hazırlanıb.

Oxu24.com xəbər verir ki, bu barədə sənəd parlamentin Regional məsələlər komitəsinin bugünkü iclasında müzakirəyə çıxarılıb.

Layihəyə əsasən, Qubanın Vladimirovka kənd inzibati ərazi dairəsinin tərkibindəki Vladimirovka kəndi Elbir kəndi adlandırılacaq. Vladimirovka kənd inzibati ərazi dairəsi isə Elbir kənd inzibati ərazi dairəsi hesab ediləcək.

Həmçinin, sənəddə qeyd edilib ki, rayonun Alekseyevka kənd inzibati ərazi dairəsi tərkibindəki Alekseyevka kəndi Çinarlı kəndi, Timiryazev kəndi Bəhrəli kəndi adlandırılacaq. Alekseyevka kənd inzibati ərazi dairəsi isə Çinarlı kənd inzibati ərazi dairəsi hesab ediləcək.

Xatırladaq ki, Qubanın kəndlərinin adlarının dəyişdirilməsi Milli Məclisin Toponimiya komissiyasının tövsiyəsi ilə hazırlanıb.