May ayının şanslıları bəlli oldu— Maaş artacaq, vəzifə dəyişəcək, ev, maşın...

CƏMİYYƏT

725

05.05.2026, 23:34

Tanınmış astroloq Tamara Qloba 2026-cı ilin may ayı üçün proqnozlarını bölüşüb. O bildirib ki, bu ay son ayların gərginliyini geridə qoymaq, daxili dincliyi bərpa etmək və gəlirləri artırmaq üçün əla fürsətdir.

Oxu24.com xəbər verir ki, astroloqun fikrincə, may ayı kompromislər və müsbət dəyişikliklər dövrüdür. Xüsusilə iş axtaranlar və mənzil almaq istəyənlər üçün bu ay uğurlu başlanğıc vəd edir. Lakin Tamara Qloba bəzi təhlükəli tarixlərə qarşı da xəbərdarlıq edib: 5, 7, 12, 13, 20, 24, 25 və 27 may tarixlərində ehtiyatlı olmaq lazımdır.

Bürclər üzrə may ayı proqnozu:

Qoç: Ev və ailə qayğıları ön plana çıxacaq. Təmir və ya mebel alışı ilə məşğul ola bilərsiniz. İş yerində rəhbərliklə mübahisələrdən qaçın. İctimai tədbirlər taleyinizi dəyişəcək insanla qarşılaşmağınıza səbəb ola bilər.

Buğa: Maddi qazancın artacağı bir aydır. Yaradıcı ideyalarınız rəhbərlik tərəfindən dəstəklənəcək. Ayın ikinci yarısında qarderobunuzu və ya interyeri yeniləmək sizə xoş təsir bağışlayacaq.

Əkizlər: Münasibətləri qaydaya salmaq vaxtıdır. Yaradıcı layihələr və media sahəsində çalışanlar üçün uğurlu dövr başlayır. Ayın sonunda dostlarınızla ortaq biznes təklifləri ala bilərsiniz.

Xərçəng: Ayın ilk yarısı səyahətlər və yeni layihələrlə rəngarəng keçəcək. Lakin ikinci yarıda ailə işləri və sənədləşmə məsələləri diqqət tələb edəcək. Maliyyə və şəxsi planlarınızı irəli sürmək üçün üçüncü on günlük daha münasibdir.

Şir: Uğur evdən uzaqda sizi gözləyir. Səfərlər zamanı faydalı tanışlıqlar qazanacaqsınız. Sağlamlığınıza diqqət yetirin, idman və masaj enerjinizi bərpa etməyə kömək edəcək.

Qız: Dostlar və ailə hər addımda sizə dayaq olacaq. Digər şəhərlərdəki insanlarla işbirliyi yeni qazanc qapıları aça bilər. Tələskənliyə yol verməyin, sənədləri və biletləri təkrar yoxlayın.

Tərəzi: Şəxsi qərarlar və yerdəyişmə məsələləri aktual olacaq. İş yerindəki gərginliyi məlumatlı olmaq sayəsində öz xeyrinizə dəyişə bilərsiniz. Sağlamlığınızı riskə atmayın, həddindən artıq işləmək fəsadlar törədə bilər.

Əqrəb: Bütün diqqətiniz ailədə və uşaqlarda olacaq. Sevdiklərinizə dəstək olarkən özünüz də mənəvi güc tapacaqsınız. Sağlamlığınız üçün tənəffüs gimnastikası ilə məşğul olmaq tövsiyə edilir.

Oxatan: Dəyişiklik istəyirsinizsə, səyahətə çıxın. Yaradıcılıq potensialınız yüksəkdir. Rəqiblərinizlə kompromisə getmək gələcəkdə böyük uğurlar gətirə bilər.

Oğlaq: İş həyatında yeniliklər gözlənilir. Bu, həm vəzifə artımı, həm də yeni bir sahəyə keçid ola bilər. Biliklərinizi artırmaq və ezamiyyətlərə getmək perspektivlərinizi genişləndirəcək.

Dolça: Evinizi sahmana salmaq və mülkiyyət məsələlərini həll etmək üçün ideal vaxtdır. Yeni insanlar və maraqlı hobbilər həyatınıza rəng qatacaq. Övladlarınızdan xoş xəbərlər ala bilərsiniz.

Balıqlar: Evdə canlanma yaşanacaq, qonaq-qaralı günlər gözlənilir. Ayın ilk yarısı iş və təhsillə bağlı gərgin keçsə də, ikinci yarıda dincəlmək üçün vaxt tapa biləcəksiniz. Kiçik səfərlər əhvalınızı yüksəldəcək.demokrat

Həmçinin oxuyun