Cabir İmanovun dəfnində səs-küyə səbəb olan  Əlixan Musayev kimdir?

Əməkdar artist, “Planet Parni iz Baku” KVN Teatrının aktyoru Cabir İmanovun dəfn mərasimindən yayılan bir görüntü geniş müzakirələrə səbəb olub. 

Yenisabah.az xəbər verir ki, dəfndə vəhhabi vaiz Əlixan Musayevin iştirakı geniş rezonans doğurub.

Bundan sonra Cabir İmanovun əqidəcə vəhhabi olması mənfi rəylər doğurub.  

Yeri gəlmişkən, mərhumun qardaşı Tahir İmanovun da vəhhabi olduğuna dair iddialar meydana çıxıb.

Maraqlıdır ki, bu paylaşımdan sonra Əlixan Musayev C.İmanovla tanış olduğunu, bir çox yerdə görüşdüyünü, hətta C.İmanovun onun arxasında namaz qıldığını bildirən video-müraciət yayıb.

Əlixan Musayevin adı “Baku Ressearch İnstitute”un hazırladığı “Azərbaycanda sələfiliyin müxtəsər tarixi” adlı araşdırmasında hallanır.

Həmin araşdırmaya əsasən, Əlixan Musayev 16 fevral 1973-cü ildə Bakıda ziyalı ailəsində anadan olub. O, Azərbaycanda “ibrahimilər” kimi tanınan təriqətin rəhbəri Ələsgər Musayevin qardaşı oğludur. 

Həmçinin oxuyun

Prezidentdən deputatın oğlu ilə bağlı SƏRƏNCAM 

Eyyubovlardan sonra növbə kimindir?

Yuxu dərmanı atıb yatanlara VACİB XƏBƏR 

Putin buna görə Əliyevdən üzr istəyib — RUSİYANIN AÇIQLAMASI

Ələsgər Musayev ərəb təşkilatları ilə əməkdaşlıq edib, sələfi təbliğat qruplarında çalışıb, bir müddət Səlim Zaxarnanın təşkilatında da işləyib və onun təşkil etdiyi yay düşərgələrində iştirak edib. 

1990-cı illərin ortalarında əsasən paytaxt ətrafındakı Əmircan qəsəbəsində qərarlaşmış Ələsgər Musayevin qrupu Bakıda çox populyar idi. Lakin sonradan o, ərəblərlə əlaqələri kəsmiş, özünü peyğəmbər elan etmiş, bununla da gözdən düşüb və sonradan hətta həbs edilib. 

Əlixan Musayev, həmçinin ölkədə radikal sələfiliyin əsas bazalarından biri kimi tanınmış, yaxud təqdim olunmuş, 2016-ci ildə bağlanan və dəfələrlə mətbuatda Suriyaya mücahid göndərməkdə ittiham edilən Ləzgi (Aşur) məscidinin imamı Mübariz Qarayevin də yaxın qohumudur.

1980-ci illərin sonlarında Əlixan Musayev Özbəkistana gedərək orda təhsil alıb. Sələfilik içindəki opponentləri onun orada “Hizbu-t-Təhrir” qruplaşmasına qoşulduğunu iddia edirlər. Güman edilir ki, Əlixan Musayev Özbəkistanda, sonradan özbək hökumətinin qətlə yetirdiyi Əbdül Vəli adlanan bir nəfərin Namanqan şəhərində açdığı və ərəblər tərəfindən maliyyələşən mədrəsəsində oxuyub. 

Nəhayət, o, Mədinə İslam Universitetinin ilk beş azərbaycanlı məzunundan biridir.