Qaynar xətt:

(+99450) 247 90 86

Mexiko meri: WUF13 bəşəriyyətin şəhər gələcəyini birlikdə qurmaq üçün strateji məkandır 

Mexiko meri: WUF13 bəşəriyyətin şəhər gələcəyini birlikdə qurmaq üçün strateji məkandır 

WUF13

50

17.05.2026, 13:55

WUF13 təcrübə mübadiləsi aparmaq və bəşəriyyətin şəhər gələcəyini birlikdə qurmaq üçün strateji məkandır.

Oxu24.com  xəbər verir ki, bunu Bakıda keçirilən Ümumdünya Şəhərsalma Forumunun 13‑cü sessiyası (WUF13) çərçivəsində assambleyaların birgə açılışı zamanı çıxışında Mexiko şəhərinin hökumət başçısı Klara Bruqada deyib.

“Bizə məhz belə açıq və inklüziv urban çoxtərəflilik lazımdır, yəni yerli hökumətlərin və şəhərlərin iştirakı ilə formalaşan, sosial, iqtisadi və ekoloji transformasiyaya əsaslanan yeni şəhər baxışı və fəaliyyət modeli", - Bruqada vurğulayıb.

O qeyd edib ki, iqlim böhranını mənzil problemindən və beynəlxalq iqtisadiyyatın artan maliyyələşdirilməsindən ayırmaq olmaz:

“Biz ərazi məsələlərini sosial bərabərsizlikdən ayıra bilmərik. Çünki məhz bu uçurum səviyyəsindəki bərabərsizliklər yoxsulluq və təcrid yaradır.

Bu forumun əsas mövzusu dünyada layiqli mənzildən məhrum olan 3 milyarddan çox insanın ümumi harayını bizə çatdırır.

Layiqli mənzil hüququnun təmin edilməsi şəhər hüququnun reallaşdırılmasına yönəlmiş daha geniş ərazi transformasiyası gündəliyinin əsas sütunudur.

Biz dünyada yaşamaq və təbiətlə münasibət qurmaq üsullarımızda inqilabi dəyişikliklərə ehtiyac duyuruq.

Buna görə də biz qayğıkeş şəhərlər qurmağa çağırırıq. Yəni qadınları, uşaqları, həssas qrupları və tarix boyu unudulmuş, kənarda saxlanılmış insanları qoruyan şəhərlər. Elə şəhərlər quraq ki, insanların dərisinin rəngi, mənşəyi və ya aksenti heç vaxt zəiflərin təcrid olunması üçün bəhanəyə çevrilməsin”.