Bu bitkini yeyənlərə XƏBƏRDARLIQ: "Xəstəxanalıq ola bilərsiniz" — Həkimdən ÇAĞIRIŞ

$Bu bitkini yeyənlərə XƏBƏRDARLIQ: \"Xəstəxanalıq ola bilərsiniz\" — Həkimdən ÇAĞIRIŞ$

TİBB

23.07.2026, 13:28

Son günlər market və bazarlarda bol miqdarda satışa çıxarılan, xüsusilə yaz-yay mövsümünün sevilən nemətlərindən sayılan paxla bitkisi bəzi insanlar üçün ciddi həyati təhlükə mənbəyinə çevrilə bilir. Mövsümlə əlaqədar olaraq bu qidanın istehlakından sonra zəhərlənmə və kəskin ağırlaşmalarla xəstəxanalara müraciət edənlərin sayında gözlənilən artım mütəxəssisləri hərəkətə keçirib. Faydalı və zülalla zəngin bir qida kimi tanınsa da, paxlanın tərkibindəki müəyyən maddələr bəzi orqanizmlərdə ağır allergik və genetik reaksiyalara yol açır. Ən təhlükəli məqam isə odur ki, bir çox insan öz orqanizmində bu riskin mövcudluğundan xəbərsiz olur.

Bu barədə Oxu24.com-a Diaqnoz Tibb Mərkəzinin Həkim-allergoloqu Dr. Ləman Cəfərova xəbərdarlıq edib.

"Qlükoza-6-fosfat dehidrogenaza fermentinin çatışmazlığı nəticəsində “favizm” adlanan xəstəlik baş verir. Bu zaman hətta paxla bitkisinin tozu bile insan orqanizminə daxil olduqda, onu parçalayan ferment çatışmadığı üçün orqanizmdə müxtəlif ağır dəyişikliklər yaşanır”.

Onun sözlərinə görə, paxlanın tərkibindəki purin maddəsi sidik turşusunun miqdarını artıraraq padaqra kimi oynaq xəstəliklərini şiddətləndirə bilər.

Həmçinin həkim qeyd edib ki, ferment azlığı səbəbindən eritrositlər (qırmızı qan hüceyrələri) parçalanır; nəticədə dəridə sarılıq, ürəkbulanma, başgicəllənmə və halsızlıq kimi ağır simptomlar yaranır.

“Bu halda xəstənin ev şəraitində müalicəsi mümkün deyil və mütləq stasionar xəstəxana şəraitində müalicə olunmalıdır. Təhlükədən qorunmaq üçün paxla uzun müddət suda saxlanılmalı və yaxşı bişirilməlidir”,- deyə Ləman Cəfərova xəbərdarlıq edib.

Çimnaz Telmanqızı

Həmçinin oxuyun