Yatanda ayağınız yanırsa,səbəbi bunlardan İMİŞ

Gündüz hər şey qaydasında olur, amma başınızı yastığa qoyduğunuz an ayaq altlarınızda o narahatedici istilik başlayır.Sanki közün üzərində yerimisiniz kimi sızlayar, yanar; buzlu suya salmaq və ya soyuq divara dayamaq ehtiyacı hiss edərsiniz.

Adətən günahkar kimi ayaqqabılar, corablar və ya göbələk infeksiyası göstərilir. Halbuki bəzən problem dərinizin üzərində deyil, çox daha dərinlərdədir.

BU BİR DƏRİ PROBLEMİ DEYİL, BİR “KABEL XƏTASI”DIR

Mövzu ilə bağlı Oxu24.com-a danışan həkim Pərvanə Hacıyeva bildirib ki,ayaqlardakı  o yanma hissi, bədənin elektrik sistemi olan sinir sisteminin “İmdad!” çağırışıdır.

BƏS YANĞINI ÇIXARAN QIĞILCIM HARADAN GƏLİR?

 ŞƏKƏRİN YANDIRICI TƏSİRİ (DİABET)

Qandakı yüksək şəkər, damarlarda dolaşan turşu kimidir. Ən ucqar nazik sinir liflərini (kabelləri) aşındırır. Ayaq yanması bəzən gizli şəkərin ilk və tək əlaməti ola bilər.

 ELEKTRİK QAÇAĞI (TARSAL TUNEL)

Əldə görülən sinir sıxılmasının bənzəri ayaq biləyində də olur. Sinir sıxıldığı yerdən keçə bilməzsə, ayaq altına “yanma və qarıncalanma” siqnalı göndərir.

 İZOLYASİYA MATERİALI ÇATIŞMAZLIĞI (VİTAMİN ÇATIŞMAZLIĞI)

Həmçinin oxuyun

Bazarda  bəzi qiymətlər QALXACAQ: İrandan gələn məhsullara qadağa qoyuldu

İmtahan sualları çətin olub   —  Təhsil eskperti də TƏSDİQLƏDİ

Nazirlər Kabinetindən YENİ QƏRAR: SİYAHIYA ƏLAVƏ EDİLDİ

Pensiyalarla bağlı ŞAD XƏBƏR

Sinirlərin ətrafında qoruyucu bir örtük var (Miyelin). B12 vitamini çatışmazlığı bu örtüyün soyulmasına səbəb olur. Çılpaq qalan sinir ucları ən kiçik təmasda belə “yanıram” mesajı ötürür.

QAN DÖVRANININ TIXANMASI

Damar sərtliyi və ya varikoz kimi problemlər ayağa gedən təmiz qanı azaltdıqda toxumalar oksigensiz qalır. Oksigensiz qalan toxuma sızlayaraq reaksiya verir.

YANĞIN SÖNDÜRƏNLƏ DEYİL, TƏMİR ÇANTASI İLƏ MÜDAXİLƏ

Soyuducu gellər sadəcə həmin anı xilas edir. Qalıcı həll üçün “tüstünü” deyil, “odun özünü” tapmaq lazımdır.

Funksional tibb baxış bucağı ilə; çatışmayan vitamini yerinə qoymaq, sıxılan siniri Nöralterapiya ilə azad etmək və ya zədələnmiş toxumanı bərpa etmək (Regenerativ Tibb) yanğını mənbəyindən söndürür.

Ayaqlarınızdakı yanmanı ciddiyə alın, onlar sizə nəsə deməyə çalışır.

Hazırladı: Jalə