Qaynar xətt:

(+99450) 247 90 86

Qaraciyər yağlanması bundan imiş - ŞOK SƏBƏB

Qaraciyər yağlanması bundan imiş - ŞOK SƏBƏB

TİBB

41

11.11.2026, 23:18

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Bir çox insan düşünür ki, qaraciyər yağlanması yalnız yağlı yeməklərdən və spirtli içkilərdən yaranır. Amma maraqlı bir məqam var: spirtli içki qəbul etməyən, hətta yağlı yeməkləri sevməyən insanlarda da qaraciyər yağlanması, bəzən isə fibroz və sirroz aşkar edilir. Niyə?

Mövzu ilə bağlı Oxu24.com-a danışan tibb elmləri namizədi,endokrinoloq Oktay Hüseynov bildirib ki, səbəblərdən biri şəkərdir.

Həkim bildirib ki,şirin qazlı içkilər, şirniyyatlar, ağ undan hazırlanan məhsullar və şəkərlə zəngin qidaların həddindən artıq qəbulu qaraciyərdə yağ toplanmasına şərait yaradır.

Bu necə baş verir?

Qəbul etdiyimiz karbohidratların bir hissəsi qaraciyərdə qlikogen şəklində ehtiyatda saxlanılır. Lakin enerji qəbulu orqanizmin tələbatını davamlı olaraq aşdıqda, xüsusilə artıq şəkər və fruktoza qaraciyərdə yeni yağların sintezini artırır.

 İnsulinə rezistentlik zamanı isə piy toxumasından qaraciyərə daha çox yağ turşusu daxil olur. Nəticədə qaraciyər hüceyrələrində yağ toplanır.

 Bəs bu nə ilə nəticələnə bilər?

Əvvəlcə qaraciyər yağlanması, yəni steatoz yaranır. Bəzi insanlarda iltihab inkişaf edir, zaman keçdikcə fibroz, daha ağır hallarda isə sirroz əmələ gələ bilər.

 Amma unutmayaq ki, hər qaraciyər yağlanması mütləq sirroza çevrilmir.

Bəs niyə bu problem bəzən 40–50 yaşlı qadınlarda da rast gəlinir?

Xüsusilə menopauza dövründə hormonal dəyişikliklər, qarın nahiyəsində piylənmə, insulinə rezistentlik və genetik meyillilik qaraciyər yağlanması riskini artıra bilər. Hətta normal çəkili insanlarda da bu xəstəlik mümkündür.

 Qaraciyərimizi necə qoruyaq?

 Şirin içkiləri və əlavə şəkəri azaldaq.

 Tərəvəz, balıq və liflə zəngin qidalara üstünlük verək.

 Hər gün fiziki aktiv olaq.

 Artıq çəkimiz varsa, tədricən azaldaq.

 Şəkərli diabet və artıq çəkisi olan şəxslərdə qaraciyər fibrozu riskini də qiymətləndirək.

Nigar