Boyun ağrıları nədən xəbər verir?

TİBB

682

23.02.2026, 23:40

Boynun və başın arxa hissəsində yaranan ağrılar çox vaxt “boyun duzlaşması” və ya osteoxondroz kimi qiymətləndirilir. Lakin mütəxəssislər xəbərdarlıq edirlər ki, bu nahiyədəki ağrıların əsas səbəbi hər zaman osteoxondroz olmur.

Oxu24.com xəbər verir ki,həkimlərin sözlərinə görə, illərlə boyun arxasında və ənsə nahiyəsində ağrıdan əziyyət çəkən bəzi pasiyentlər problemi osteoxondrozla əlaqələndirərək yalnız masaj və müvəqqəti rahatlaşdırıcı üsullarla kifayətlənirlər. Nəticədə ağrılar təkrar-təkrar geri qayıdır və xroniki hal alır.

Əslində isə bu tip ağrıların səbəbi çox zaman ənsə nevralgiyası olur. Bu zaman boyun nahiyəsindən başlayaraq başın arxa hissəsinə doğru uzanan sinirlər iltihablaşır və ya qıcıqlanır. Ağrı adətən başın arxa hissəsində, bəzən isə yanlara və təpəyə doğru yayıla bilir. Boyun əzələlərində gərginlik və sıxılma hissi də müşahidə olunur.

Mütəxəssislər bildirirlər ki, ənsə nevralgiyasının müalicəsi çətin deyil. Müasir tibbdə başın arxa hissəsində müəyyən nöqtələrə tətbiq olunan kiçik iynə prosedurları ilə ağrını qısa müddətdə aradan qaldırmaq mümkündür.

Əgər uzun müddətdir boyun və başın arxa hissəsində davamlı ağrılar hiss edirsinizsə və xüsusilə boyun əzələlərində sıxılma müşahidə olunursa, səbəbin osteoxondroz deyil, məhz ənsə nevralgiyası ola biləcəyini nəzərə almaq tövsiyə olunur. Dəqiq diaqnoz və uyğun müalicə üçün isə mütləq həkim müayinəsindən keçmək vacibdir.

Hazırladı: Turan

Həmçinin oxuyun