İndiki mövcud vəziyyəti götürsək, Azərbaycan öz ərazilərinin böyük hissəsini hərbi yolla və sülh yolu ilə qaytarmışdır, indi əsas məqsədimiz həmin ərazilərin bərpa edilməsidir. Sabiq qaçqınların qaytarılması və həmin şəxslərin normal həyatının təmin edilməsidir. Hər şeyi mərhələ-mərhələ etmək lazımdır”.

Oxu24.com  xəbər verir ki, bu barədə Prezident İlham Əliyev bu gün yerli və xarici jurnalistlər üçün təşkil etdiyi mətbuat konfransında bildirib.

“Bizim gələcək haqqında dəqiq mövqeyimiz var. Biz istənilən inteqrasiya formasına hazırıq. Bu gün Rusiya sülhməramlılarının yerləşdiyi yerə gəldikdə, o ərazilərdə o qədər də çox adam yaşamır.

Xaricilərin Dağlıq Qarabağa Rusiya sülhməramlıları tərəfindən anlaşılmayan, gizlin buraxılması baş verəndə, bu, bizdə qeyri-müəyyənlik yaradır. Ona görə ki, biz Rusiya ilə razılığa gəlmişik ki, xarici vətəndaşlar oraya yalnız bizim razılığımızla keçə bilər. İndi bu razılaşma pozulur”, – Dövlət başçısı qeyd edib.

Prezident həmçinin vurğulayıb ki, Xankəndi və digər ərazilərin inteqrasiyası qaçılmaz prosesdir.

 Ümumiyyətlə, Xankəndinin və ermənilərin yaşadığı digər ərazilərin inteqrasiyası qaçılmaz prosesdir. Bunu  anlamaq lazımdır. Bunun tarixi perspektivini anlamaq lazımdır. Ermənistan əməkdaşlıq etməsə, yalnız zəifləyəcəkdir. Onlar indi Artsax dövləti haqqında danışırlar, belə bir dövlət heç vaxt olmayıb və olmayacaq da. Bu ağılsız fikirlərdən uzaqlaşmaq lazımdır. 
— İlham Əliyev, Azərbaycan Respublikasının Prezidenti