Prezident sərt xəbərdarlıq ETDİ: Ermənistanda yaxın zamanda nələr gözlənilir?     —  ŞƏRH

Prezident İlham Əliyev: “Ermənistandakı canilər, separatçılar və radikallar fəallaşıblar”

Azərbaycan Respublikasının Prezidenti İlham Əliyev 2026-cı il mayın 10-da Zəngilan şəhərində sakinlərlə görüşü zamanı Ermənistandakı daxili vəziyyətə toxunaraq mühüm mesajlar səsləndirib. Dövlət başçısı Ermənistandakı mövcud qüvvələrin fəaliyyətini xarakterizə edərək bildirib: “Ermənistandakı canilər, separatçılar və radikallar seçkilərdən əvvəl fəallaşıblar, ittifaq yaradırlar”.

Prezidentin bu xəbərdarlığından çıxış edərək, qonşu ölkədə radikal qüvvələrin fəallaşmasının pərdəarxası məqamlarını politoloq Əli Mustafa Oxu24.com-a şərh edib.

Politoloq Əli Mustafa qeyd edib ki, bu separatçı və cinayətkar ünsürlərin bir araya gəlməsi gözləniləndir, çünki onlar hər zaman eyni amallara xidmət ediblər. Onun sözlərinə görə, vaxtilə Qarabağda cinayətlər törədən, Azərbaycanın dövlət qurumlarını dağıdan və xalqımıza qarşı böyük cinayətlər həyata keçirən bu "töküntülər" indi İrəvanda yenidən baş qaldırmağa çalışırlar.

Radikalların Əsas Məqsədi Nədir?

Əli Mustafanın fikrincə, bu qüvvələrin fəallaşmasının arxasında bir neçə mühüm faktor dayanır:

1.Öz nümayəndələrini rəhbərliyə gətirməklə dövlət resurslarını mənimsəmək və korrupsiya mexanizmlərini bərpa etmək.

2.Xüsusilə Azərbaycana və Türkiyəyə qarşı nifrət ruhunda təbliğat apararaq siyasi xal toplamaq.

3.Rusiyanın "töküntüləri" hesab olunan bu şəxslərin yenidən Rusiyanın dəstəyindən və resurslarından faydalanmaq istəyi.

Politoloq vurğulayıb ki, hazırkı baş nazir Nikol Paşinyan bu cinayətkar qüvvələrlə Ermənistanın gələcəyinin olmadığını anlayır. Buna görə də, o, dövlətin varlığını qorumaq üçün Azərbaycan və Türkiyə ilə uzlaşmanın mütləq olduğunu dərk edir və bu radikal qüvvələrdən qurtulmağa çalışır.

"Ermənistan Xalqı Barışı Seçəcək"

Yaxınlaşan seçkiləri radikallar üçün bir "revanş fürsəti" kimi dəyərləndirən Əli Mustafa, onların bu cəhdlərinin uğursuzluğa məhkum olduğunu qeyd edib. O, Ermənistan əhalisinin savaşı deyil, barışı seçəcəyinə ümid etdiyini bildirərək, bu prosesin cinayətkar şəbəkənin son çırpıntıları olduğunu vurğulayıb.

Çimnaz Telmanqızı

Həmçinin oxuyun

SON DƏQİQƏ! Milli Məclis mühüm qərarlar qəbul etdi 

6 ay sonra qüvvəyə minəcək  —  Milli Məclis qərar qəbul etdi

Milli Məclis yeni qərar qəbul edib

İlham Əliyev həmin şəxsin adını AÇIQLADI:Azərbaycana birinci yardım edən...