“Hansısa bir sahədə gəlirlərin artmasını müşahidə etmiriksə...” – İqtisadçıdan DSK-in açıqlamasına şərh

SİYASƏT

964

23.02.2026, 20:43

Dövlət Statistika Komitəsi məlumat yayıb ki, 2026-cı ilin yanvar ayında ölkə əhalisinin nominal gəlirləri əvvəlki ilin eyni dövrü ilə müqayisədə 8,6 faiz artaraq 6478,2 milyon manat və ya hər nəfərə orta hesabla 631,2 manat olub.

DSK – nin açıqlamasını Oxu24.com-a şərh edən iqtisadçı Əkrəm Həsənov əvvəl onu bildirib ki, nominal gəlir bu və digər şəkildə bütün sahələrdə arta bilər.

"Bu göstərici insanların real alıcılıq qabiliyyətini əks etdirmir, yalnız həmin dövr üçün kağız üzərində görünən gəlir məbləğini əks etdirir. “Nominal”ın adı ona görə “nominal”dır ki, ödəniş alıcılıq ödənişini deyil, yalnız kağız pul xərcini əks etdirir. Burada faktiki gəlir də var ki, o da real gəlir adlanır. Real gəlir isə inflyasiyanı nəzərə almaqdır. Deməli İnflyasiya daxil olduqdan sonra pulun nominal dəyərindən fərqli olaraq, real vahid məbləğdən nə qədər məhsul almaq mümkün olduğunu göstərir. Məsələn : cibimizdə 5 manat (nominal gəlir)var bunun 2 manatına çay, 3 manatına isə qənd almaq üçün düşünmüşük . Amma qəflətən inflyasiya baş verir çayın qiyməti 2,50 manat, qəndin qiyməti isə 3,20 manat olur. Gördüyünüz kimi, nominal gəlirim cibimdə olduğu kimi qalsa da, real gəlirim azalmış olur.

Düzdür, Mərkəzi Bankın göstəricisi, inflyasiya göstəricisi daha aşağıdır. Amma baxır hansı ümumi götürür. Hansısa bir sahədə gəlirlərin artmasını prosesinə gəldikdə isə biz bunu əslində müşahidə etmirik”-deyə tanınmış iqtisadçı vurğulayıb.

Əntiqə Rəşid

Həmçinin oxuyun