Polis avtobusda əməliyyat keçirdi: Tutulanlar var +VİDEO

Sumqayıtda polis ictimai nəqliyyatda cibgirliklə məşğul olan şəxslərə qarşı  əməliyyat keçirib.

Oxu24.com -un  məlumatına görə, Sumqayıt şəhər Polis İdarəsinin əməkdaşları tərəfindən şəhər ərazisində avtobuslarda, ticarət məkanlarında cibgirliklə məşğul olan şəxslərə qarşı xüsusi əməliyyat həyata keçirilib. 

Əməliyyat zamanı şəhər ərazisində fəaliyyət göstərən 9 nömrəli marşrut xəttində sərnişinlərdən birinin cibindən 150 manat pulu oğurlayan 50 yaşlı Elxan Cəfərov saxlanılıb. O, avtobusda olan sıxlıqdan istifadə edərək oğurluq əməlini həyata keçirib və növbəti dayanacaqda düşərkən polis əməkdaşları tərəfindən tutulub: “Evdən çıxdım, mindim 9 nömrəyə. Bir ostanovka getmişdim. Kaşloku götürdüm düşdüm. Tutdular. İçində 150 manat pul var idi. Verdim qadının özünə. Tutdular gətirdilər bura”.

İstintaqa cəlb edilən Elxan Cəfərovun indiyədək oğurluq və narkotik maddələri saxlama maddələri ilə 10 dəfə məhkum olunduğu və ümumilikdə 20 il məhkum həyatı yaşadığı məlum olub. 

Faktla bağlı istintaq-əməliyyat tədbirləri davam etdirilir.

Qeyd edək ki, Elxan Cəfərov Sumqayıt şəhər Polis İdarəsinin narkotik vasitələrin qanunsuz dövriyyəsinə qarşı həyata  keçirdiyi əməliyyat tədbirləri nəticəsində yaxalanan  məşhur cibgir və narkobaron Qəmər Cəfərovanın oğludur.

Həmçinin oxu: TƏCİLİ XƏBƏR! Əhaliyə rəsmi xəbərdarlıq edildi: Yaxın günlərdə...